Lebai 23:27 - JAM DE NHIALIC 2011

²⁷ “Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Lebai 23:27 ပူးပေါင်းရင်းမြစ်များ

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Diɛt 35:13

Ku wään cï jɔk ke dɔm, acä ke dhiëëu ku ciɛŋ lupɔɔ ka acuɔl në këden, ku rɛɛc cäm, ku läŋ ke ya gut a nɔm piny,

Bɛ̈n 30:10

Ku abï Aron en aa teem guöp raantök në ruöönic ëbɛ̈n. Abï riɛm de län cï näk miɔ̈c de kërac de atɛɛm aa nööm, ku teem en ke yïk ku tɔc tuŋ ke yïk kaŋuan. Kënë ë ye looi në runiic ëbɛ̈n. Ku yen ee yïïŋë, ë gëmë Yɛn, Yɛn Bɛ̈nydït, ku abï dhil tɔ̈u ke ɣeric aläl anande.

Yith 58:5

Të thɛ̈k wek, wek ee röt tɔ bäp, wek ee wenïïm guöt piny cït yïny de wäl, ku thiɛthkï lupɔɔ ke anuɛɛr ku ŋeth bä wek tɔ̈c. Yen kë yak tɔ ee thɛ̈k ka? Yak tak duɛ̈ɛ̈r piɔ̈u miɛt wo week?

Lebai 16:11

Ku të cï Aron miɔɔr nɔ̈k ke ye miɔ̈c de kërac në biäk de yen guöp, ku abï rɔt teem kekë paande.

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:16

Në ee kueerë, abï atɛɛm jɔ luöi tëɣeric, ku në biäk de acuɔl de kɔc ke Yithriɛl, ku karɛcken, kënë abï dhil luöi paany de mät, në biäk ye yen kɔ̈ɔ̈c në kɔciic, kɔc de gup acuɔl.

Lebai 16:24

Abï rɔt dhil waak në pïïu tëɣeric, ku jɔ lupɔɔkɛn ye ke ceŋ tääu në yekɔ̈u, ku jɔ bɛ̈n ku nɛ̈k miɔ̈c ye nyop ëbɛ̈n në biäk de yen guöp, ku miɔ̈c ye nyop ëbɛ̈n në biäk de kɔc, ku jɔ rɔt teem kekë kɔc ayadäŋ.

Lebai 23:26

Go Bɛ̈nydït Mothe yɔ̈ɔ̈k an,

Lebai 23:28

Duökï lui në ee köölë, në biäk ee yen kööl de atɛɛm. Në biäk bï ë week teem gup ë Bɛ̈nydït Nhialicdun nɔm.

Lebai 25:9

Na ëlë në kööl de thiëër ë pɛɛi de dhorou, Kööl de atɛɛm, toc raan bï kaaŋ lɔ kooth ë wuötiic paandun ëbɛ̈n

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Luɔi 27:9

Na wën, aa cuk nïn juëc lɛɛr, abï riɔ̈ɔ̈c guɔ nu ënɔɔnë në cäth ë abëlic, dhuëëŋ ee cäm rɛɛc ë guɔ thök aya, ke Paulo jɔ kɔc yɔ̈ɔ̈k alë,

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!