Lebai 23:19 - JAM DE NHIALIC 2011

¹⁹ Ku wek bï nyɔɔŋ bou tök gam ke ee miɔ̈c de kërac ku nyök amɛ̈l kaarou ke ee miɔ̈c de mät.

Lebai 23:19 ပူးပေါင်းရင်းမြစ်များ

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 23:18

Ku wek bï nyök kadhorou gam në kuïn cï pam ëtök, nyɔɔŋ ee ruöön tök, ku thɔn tök, ku nyök bɔɔth kaarou, ke cïn tëdak në kegup, abï keek dhil gam ke ke ye miɔ̈c ye nyop ëbɛ̈n de Bɛ̈nydït. Keek kedhie mɛ̈tkï në miɔ̈c ë rap ku miɔ̈c de mɔ̈u, atuɔ̈m de miɔ̈cë abï miɛt ë Bɛ̈nydït piɔ̈u.

Lebai 23:20

Ku bɛ̈ny de kake Nhialic abï nyök amɛ̈l kaarou nyuɔɔth ë Bɛ̈nydït nɔm, ke ee miɔ̈c de anyuɔɔk, keek kedhie, ayï kuïn cï pam de rɛɛp cï kɔn luɔk aya. Ayek ka ɣeriic tëde Bɛ̈nydït në biäk ë bɛ̈ny de kake Nhialic.

Kuɛ̈n 15:24

Na ye awäny ë wööc kuc akutnɔm de kɔc, ke ke gɛm miɔɔr atiëëk ke ye miɔ̈c ye nyop ëbɛ̈n ye atuɔ̈mde Bɛ̈nydït miët piɔ̈u. Ku gɛmë kekë miɔ̈c ë rap, ku miɔ̈c ye dek ëtök. Ku ë ke gɛm nyɔɔŋ bou ke ye miɔ̈c de kërac.

Kuɛ̈n 28:30

ku nyɔɔŋ bou tök ke ye miɔ̈c bïï ë week teem gup.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.