Lebai 23:13 - JAM DE NHIALIC 2011

¹³ Ku yïn bï miɔ̈c ë rap dhil gam aya, kilɔɔ kaarou në aɣar cï liääp në miök de olip, ke ee miɔ̈c de këcam, yen atuöm de miɔ̈cë ee kë mit ë Bɛ̈nydït piɔ̈u. Ku kë bä gam kekë miɔ̈c ye dek ee litir töŋ ë mɔ̈u.

Lebai 23:13 ပူးပေါင်းရင်းမြစ်များ

Bɛ̈n 30:24

Ku bot kadhetem në kathiya. Ku litir kaŋuan në miök de olip, në kuën de tëɣeric.

Bɛ̈n 30:9

Ku ë cïn wɛ̈ɛ̈l nhiany gɛmë në ee yïïŋë nɔm. Ku ë cïn lɛ̈n gɛmë në yenɔm aya, ayï miɔ̈c ye nyop ëbɛ̈n ayï miɔ̈c ë rap, ku ë cïï piökë nɔm miɔ̈c ë mɔ̈u.

Edhekiɛl 4:11

Yïn bï aa dek aya në pïïu cï thɔ̈ɔ̈ŋ, cuöp kaarou në kööl tök.

Edhekiɛl 45:24

Ku miɔɔr tök ku nyɔɔŋ tök në miɔ̈c yiic, abï aa dɛk rothol tök de miɔ̈c ë rap, ku litiir kadiäk ke miɔ̈c de miök de olip.

Edhekiɛl 46:14

Ayadäŋ miɔ̈c ë rap ye thëmde kilɔɔ kadhïc abï aa looi miäk rial aköölnyïïn, kekë aguun töŋ de miök de olip ye liääp kekë aɣaar. Lööŋ ke miɔ̈cë bïï aa gäm Bɛ̈nydït abïk dhil aa tɔ̈u tëden aɣet athɛɛr.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:9

Miɔ̈c ë rap, ku miɔ̈c ye dek acïï kɔyɔm keek tɛɛm wei Luaŋdïït de Bɛ̈nydït, ka bäny ke kake Nhialic, ayï kɔc luui Bɛ̈nydït adhiaukï në biäk cïn en miɔ̈c gëmkï Bɛ̈nydït.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Lebai 14:10

Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök.

Lebai 23:12

Ku të lee yïn dut de rap gam, gamë nyɔɔŋ amääl ee ruöön tök, ke cïn guöp tëdak, ke ee miɔ̈c ye nyop ëbɛ̈n de Bɛ̈nydït.

Lebai 6:20

An, kënë ee miɔ̈c bï Aron kekë wɛ̈ɛ̈tke aa yiɛ̈n Bɛ̈nydït në kööl thɛny ë keek nïïm: Aduŋ de aɣaar piɛth ke ee miɔ̈c ë rap aköölnyïïn, biäkdɛn tök adurduur ku biäkdɛn tök thëën.

Kuɛ̈n 28:10

kënë ee miɔ̈c ye nyuöp Ɛn në akööl ke Thabath ëbɛ̈n, bï aa coolë gamë yen ëtök kekë miɔ̈c ye nyop ëbɛ̈n ku miɔ̈cdɛn ye dek.