Lebai 22:19 - JAM DE NHIALIC 2011

¹⁹ Yïn bï thɔ̈n cïn guöp tëtök dhil gam në ɣɔ̈kiic ayï nyɔɔŋ de bou ayï nyɔɔŋ amääl ago gam në nyindu yic.

Lebai 22:19 ပူးပေါင်းရင်းမြစ်များ

Bɛ̈n 12:5

Aduëërë lɔc ke ye nyɔɔŋ amääl, ku nɔn ee yen nyɔɔŋ bou. Ku abï dhil aa nyɔɔŋ ee ruöön tök, nyɔɔŋ cïn kë dak në yeguöp.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 1:2

lööŋ bïï kɔc ke Yithriɛl döt të gɛm kek miɔ̈c. Tëde yen raan gëm Bɛ̈nydït miɔ̈c në weyiic, ë bïï miɔ̈cde ke ye thɔ̈k në thökke yiic, ku nɔn ee weŋ në ɣɔ̈kke yiic.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Lebai 21:18

Acïn raan cï cɔɔr, ayï raan ŋɔl, ayï raan cï kuöc cak, ayï raan aduany.

Lebai 4:32

Ku na bïï raan nyɔk ke ye miɔ̈cde në baŋ de miɔ̈c de kërac, abï nyɔɔŋ cïn guöp tëdak dhil bɛ̈ɛ̈i.

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Math 27:24

Na wën, aacï Pilato e tïŋ nɔn cïn en luɔi bï en e lëu, ku duëër anuɔɔn bɛ̈ɛ̈i tei, ke nöm pïïu, ku piny ecin ë kut ë kɔc nïïm, ku lueel an, “Yɛn liu ë riɛm ë raanë yic, raan cïn kërɛɛc cath ke ye! Ee këdun wapäc!”

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

Math 27:54

Na wën, ke bɛ̈ny de rem, kekë kɔc cath në yen, kɔc tit Yecu, të cï kek niɛŋ cï piny rɔt niɛŋ tïŋ, ku tïŋkï ka cï looi, agokï riɔ̈ɔ̈c arëët, ku luelkï an, “Ee yic, kënë ee Wën ë Nhialic!”

Luk 23:14

ku lëk keek an, “Raanë acäk bɛ̈ɛ̈i tëde yɛn an, ee raan ë kɔc thöi nïïm: ku tiëŋkï, acä luɔp ë wenïïm, ku acïn kërɛɛc cä yök tëde raanë në ka gaany wek en.

Luk 23:41

Ku këtuc cuk yök wook acï tiiŋ nɔm ëgɔk, wo cï kë röŋ ke luɔida jɔ yök: ku raanë acïn kërɛɛc cï looi.”

Luk 23:47

Na wën, ke bɛ̈ny de tɔŋ kabɔt, të cï en kë cï tïc tïŋ, ke lec Nhialic, lueel an, “Raanë ee raan piɛthpiɔ̈u ë yic!”

Jɔn 19:4

Go Pilato bɛ lɔ biic, le lɛ̈k keek an, “Wɔikï acä bɛ̈ɛ̈i bei bɛ̈ɛ̈i të nuö wek, ke bäk ŋic nɔn cïn en awäny cä yök tëde yen.”

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Epethiei 5:27

luɔi bï en e tääu ë yenɔm, abï aa ɣön ë Nhialic de yic dhuëëŋ, ke cïnic këthiin rac, ayï anyuin, ayï däŋ cït ee kënë aliu, ku abï yic ɣɛɛr ëwic ku cïnic kë bï e gɔ̈k.

Nyöŋ 15:21

Ku na de lɛ̈i guöp tëdak, na yek ŋöl, ku nɔn yek cöör, ku nɔn de tëdak në kegup aläl, acäkkï keek bï dhil näk Bɛ̈nydït Nhialicdun.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,