Lebai 22:18 - JAM DE NHIALIC 2011

¹⁸ Jäämë Aron kekë wɛ̈ɛ̈tke ku kɔc ke Yithriɛl kedhie, yɔ̈ɔ̈k ë keek: an, na de raan baai de Yithriɛl ë we yiic, ku nɔn ee raan lei rɛ̈ɛ̈r ë Yithriɛl: Të gëm en miɔ̈c ye nyop ëbɛ̈n Bɛ̈nydït, na gɛm në biäk de gutguut cï lueel ku nɔn ee miɔ̈c de miɛtëpiɔ̈u.

Lebai 22:18 ပူးပေါင်းရင်းမြစ်များ

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

Diɛt 116:14

Në amatnɔm de kɔcke yiic ëbɛ̈n abä gäm kë cän gutguut lueel.

Diɛt 116:18

Yɛn bï kuëëŋdï gäm Bɛ̈nydït në kɔcke nïïm kedhie,

Diɛt 22:25

Bɛ̈nydït yïn bä leec në akutnɔm de kɔcku nïïm ë biäk de kë cï looi, në kɔc ee yïn lɔ̈ŋ nïïm yɛn bï miɔ̈c näk cän gutguut lueel gäm yïn.

Diɛt 56:12

Nhialic yïn bä gäm kë cän gutguut lueel, yïn bä miɔɔc në miɔ̈c de alɛɛc.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 61:8

Aguɔ Yïn aa piɔɔny në diɛt aköölnyïïn, të yan Yïn miɔɔc aköölnyïïn, në ka cän gutguut lueel.

Diɛt 65:1

Nhialic ee yic, Yïn buk aa leec në Dhiɔn, ku dötku gutguut cuk lueel an buk luöi Yïn,

Diɛt 66:13

Yɛn bï miɔ̈c ye nyop ëbɛ̈n bɛ̈ɛ̈i ɣöndu Yïn bä gäm kë cän gutguut lueel.

Bɛ̈n 12:5

Aduëërë lɔc ke ye nyɔɔŋ amääl, ku nɔn ee yen nyɔɔŋ bou. Ku abï dhil aa nyɔɔŋ ee ruöön tök, nyɔɔŋ cïn kë dak në yeguöp.

Wɛ̈ɛ̈t 5:4

Ka të lëk yïn Nhialic gutguut, du ee gääu ke kɛ̈në looi, ye gutguutdu looi. Acïï piɔ̈u ee miɛt ke raan piɔlpiɔ̈u.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 1:2

lööŋ bïï kɔc ke Yithriɛl döt të gɛm kek miɔ̈c. Tëde yen raan gëm Bɛ̈nydït miɔ̈c në weyiic, ë bïï miɔ̈cde ke ye thɔ̈k në thökke yiic, ku nɔn ee weŋ në ɣɔ̈kke yiic.

Lebai 17:10

Raan baai de Yithriɛl ëbɛ̈n ayï alei bï rɛ̈ɛ̈r në keyiic, ku ee riɛm cam, Yɛn bï Yanyin wɛ̈l ee raanë, ku abä tɛ̈ɛ̈m bei në kɔckï yiic

Lebai 17:13

Na de raan de Yithriɛl ku nɔn ee raan lei rɛ̈ɛ̈r në kɔc yiic, na cï lɛ̈i, ku nɔn ee din ee cam dɔm, apiɛth bï riɛmde tɔ kuëër piny, ku kut riɛm nɔm në abuui.

Lebai 22:17

Na wën ke Bɛ̈nydït ë yöök Mothe,

Lebai 23:38

Kek ee miɔ̈ckë amɛ̈tkï në miɔ̈c ee gam ë kööl de löŋ ë Bɛ̈nydït, ku mɛ̈tkï në miɔ̈cdun, ku kakuön ya wek ke kuëëŋ, ku miɔ̈c de miɛtëpiɔ̈u yak gäm Bɛ̈nydït.)

Lebai 7:16

Ku na ye miɔ̈cdɛn ë bïï këde gutguut, ku nɔn ee miɔ̈c de miɛtëpiɔ̈u, ke miɔ̈c abï cuet në kööl ë gɛmë yen. Ku na de kë cï döŋ piny aduëërë cam ë kööl de rou.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Jona 1:16

Ku kënë, acï kɔc lui abël wïïric tɔ rïïu Bɛ̈nydït aläldïïtë ku nɛ̈kkï käŋ lueelkï gutguut an, bïk Bɛ̈nydït aa lam ku luuikï.

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Malakai 1:14

ku lueel ë Bɛ̈nydït de rɛm an, Aciɛɛn abï tɔ̈u kekë raan ee mɛth. Raan de nɔm nyɔk, ku nɔn yen miɔɔr në lunyde yic, nyɔɔŋ ë cï yen kuëëŋ an bï gam, ke be pɔ̈l ku gëm Ɛn thɔ̈ɔ̈k de guöp tëdak. Wek ŋic Ɛn nɔn yan Meliŋ dït, ka juöör ke pinynɔm ëbɛ̈n ariɔ̈ckï në Yɛn.

Kuɛ̈n 15:3

Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Luɔi 18:18

Na wën, ke Paulo ŋoot ke rɛ̈ɛ̈r ëtɛ̈ɛ̈n ë nïn juëc, na ɣɔn, ke tɔ̈ŋ wäthii, ku jël le Thiriya në abël, ku cath Pirithila ku Akula në yen, acï e nɔm muut ë Kenkuria: në këde jam wään cï lɛ̈k Nhialic.

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.

Nyöŋ 16:10

ku ëtɛ̈ɛ̈n, jakï dhuëëŋ de tëm bɛ̈n looi, bä wek Bɛ̈nydït Nhialicdun riëëu, ku wek bï miɔ̈c de miɛtëpiɔ̈u bɛ̈ɛ̈i cït man de athiɛɛi cï gäm week.