Lebai 20:24 - JAM DE NHIALIC 2011

²⁴ Ku wek cä yɔ̈ɔ̈k an, ‘Wek bï pinyden nööm. Abä gäm week ke ee kë bäk lɔ̈ɔ̈k lak piny, yen ee wat ë ca ku miök ë kiëc. Ee yɛn Bɛ̈nydït Nhialicdun, raan ë lɔ̈c week bei ë juööriic.

Lebai 20:24 ပူးပေါင်းရင်းမြစ်များ

1 Mel 8:53

Bɛ̈nydït Awärjäŋ, ɣɔn bïï Yïn kuarkuɔ bei paan ë Rip, acï lɛ̈k Mothe raanduön ee Yïn luööi an cï ke lɔ̈c bei në juöör ke piny nɔm yiic bïk aa kakuön cï lɔc.”

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Bɛ̈n 33:1

Na ɣɔn, ke lëk ë Bɛ̈nydït Mothe an, “Jël ë në wekë kɔc wään bɛ̈ɛ̈iyë ke bei Rip. Lak piny ɣɔn cä thɔ̈n Abraɣam kekë Yithaak, ku Jakop, ayï mïthkɛn bï lɔ̈ɔ̈k tɔ̈u në kecök.

Bɛ̈n 33:16

Acïn luɔi bï kɔc ke piny nɔm ye ŋic nɔn mit Yïn piɔ̈u we yɛn, ayï kɔcku të kën Yïn lɔ wekë wook. Täu de dhuëëŋdu ke wook yen abï wo pääk në kɔc ke piny nɔm.”

Bɛ̈n 33:3

Lakï piny ee wat ë ca ku miök ë kiëc. Wek ee kɔc ril nïïm, ka Yɛn cï bï lɔ wo week, ke we cä bï riɔ̈ɔ̈k kueer.”

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Lebai 14:34

an, të la wek ɣet piny de Kanaan piny gäm week ke ye këdun, ku tääu dhiëi thïn, dhiën dïït bï tɔ̈u piny ɣööt.

Lebai 20:26

Wek bï dhil ɣɛɛr tëde yɛn, në biäk ɣɛɛr Ɛn. Yɛn Bɛ̈nydït. Ku wek cä lɔ̈c bei ë juööriic bäk aa kɔckï.

Kuɛ̈n 23:9

Kɔc ya woi ke ya kääc tëthöny. Ku tïŋ keek ke ya nu në kuur nɔm. Ee kɔc lɛɛn rɛɛr pei ke ke ye wut, Kɔc cïï röt ee kuɛɛn në juöör kɔ̈kiic.

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.