Lebai 19:31 - JAM DE NHIALIC 2011

³¹ Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm, në luɔi bï kek yïn riɔ̈ɔ̈k. Ee Yɛn Bɛ̈nydït Nhialicdun.

Lebai 19:31 ပူးပေါင်းရင်းမြစ်များ

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:24

Në biäk bïï löŋ cï gɔ̈ɔ̈r në awerekic looi, awerek wään bïï Ɣilikia bɛ̈nydïït ë kake Nhialic yök në Luaŋdïtic, go Melik Jothia yiëth nyaai, ku kɔc ee cɔ̈ɔ̈r, ku kɔc ee thuëth, ku nyiɛɛi kak ye yiëth lam ëbɛ̈n ë Jeruthalem ku piny de Juda ëbɛ̈n.

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Bɛ̈n 22:18

“Yak tik nɔ̈k ëbɛ̈n tiiŋ cï rɔt tɔ ye tiët.

Yith 29:4

Jeruthalem abï ciët atïm de raan cï thou wiët ë piny thar ke kɔɔr bïï jam, në röl cït kë dɛc bɔ̈ bei ë abuui yic.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Lebai 19:26

Du rïïŋ ee cam ke ŋoot ke de yic riɛm, du tïït ee looi, ku du yiëth ee lam.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Lebai 20:27

“Na de moc ku nɔn ee tiiŋ cï rɔt tɔ ee tiët ku nɔn de guöp jɔɔk ë we yiic, abï dhil nɔ̈k. Abäk keek dhil biɔ̈ɔ̈k ë kur. Riɛmden abï nu ë keyiëth kapäc.”

Luɔi 8:11

Aake ye këde piŋ, luɔi cï en keek tɔ gäi në thuɛ̈th ë yen thuëth ëcaŋɣɔn.

Galatai 5:20

läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

1 Tham 28:3

Ku ëtɛ̈ɛ̈n Thamwɛl aacï thou, go ë kɔc ke Yithriɛl dhiëëu arëët, ago lɔ tɔ̈ɔ̈u baaiden ë Rama. Ku Thaulo aacï kɔc ee käŋ caar ku kɔc ee thuëth tɔ cop piny ë Yithriɛl.