Lebai 19:26 - JAM DE NHIALIC 2011

²⁶ Du rïïŋ ee cam ke ŋoot ke de yic riɛm, du tïït ee looi, ku du yiëth ee lam.

Lebai 19:26 ပူးပေါင်းရင်းမြစ်များ

Cäk 44:5

Ku ee yen aa yen dek thïn. Ku ee yen ade yic riɛl dïït ee bɛ̈n nhial. Wek ë gökdïït ë kërac looi arëët.’ ”

Cäk 9:4

Ku kë cän jaai në yen, ee rïïŋ ŋoot ë riɛmde ke kuëër yetök, yen acï bï ya cuet, në luɔi nu ë pïïr në riɛmic.

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Bɛ̈n 7:11

Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

Bɛ̈n 8:7

Ago tït tïïtden looi ayadäŋ, agokï agueek tɔ bɔ̈ bei wïïr ayadäŋ.

Jeremia 10:2

Acï lueel an, “Duökï kuɛɛr ke juöör kɔ̈k ee kuany cök, ku duökï nïïm ee mum në ka göök ya keek tïŋ nhial, cakaa nɔn ye juöör kɔ̈k riɔ̈ɔ̈c.

Danyel 2:10

Go ë kɔc bɛ̈ɛ̈r an, “Acïn raan nu ë piny nɔm, raan duëër melik lɛ̈k kë kɔɔr bïï ŋic. Acïn melik, Ayï melikdïït ril ëtör acïï kë kɔɔrë duëër kɔn lɛ̈k tïtke, ayï kɔc ee cɔ̈ɔ̈r, ku kɔc ee thuëth.

Lebai 19:25

Ku në ruöön ye kek dhïc, wek duëër jɔ cam në mïthken, na lak ee kakë lɔ looi, tiimkun abïk aa dhiëth në mïth juëc. Ee Yɛn Bɛ̈nydït Nhialicdun.

Lebai 3:17

Kënë ee ciɛɛŋ bï tɔ̈u athɛɛr agut cï rɛm bï lɔ̈ɔ̈k bɛ̈n, në ɣäänkuön rɛ̈ɛ̈r wek ke thïn, duökï kɔl ee cam ayï riɛm.

Lebai 7:26

Ku tëduön rɛ̈ɛ̈r wek thïn ëbɛ̈n, wek cïï bï dhil cam në riɛm de dit ayï riɛm de läi.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Nyöŋ 12:16

Ku wek cïï riɛmden bï cam cït man ë kuïn, wek bï riɛm dhiɛl wäl piny cït man ë pïïu.

Nyöŋ 12:23

Ku ee rïïŋ de yic riɛm thïn yen acïkï bï aa cuet, në biäk tɔ̈u ë pïïr në riɛmic, ku we cïï pïïr bï cam kekë rïïŋ.

Nyöŋ 15:23

Ku we cïï riɛmden bï cam cït këcam, abäk dhil wäl piny cït man ye pïïu wäl piny.

1 Tham 14:32

agokï lööny në ka cïk keek peec tëde kɔc ke aterden yiic, agokï thɔ̈k ku ɣɔ̈k tɛm röt ëtɛ̈ɛ̈n, ku cuetkï rïïŋ ke thith.

1 Tham 14:33

Na wën ke lëk ë raan däŋ Thaulo an, “Tïŋ kɔc aluikï kërac Bɛ̈nydït, në cuën cuet kek rïŋ ke thith.” Ago Thaulo bɛ̈ɛ̈r, an, “Wek cï gäm dhoŋ kɔ̈u, laarkï kuurdït agök eenë raantök.”

1 Tham 15:23

Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”