Lebai 19:17 - JAM DE NHIALIC 2011

¹⁷ Du mɛnhkui ee maan guöp në yïpiɔ̈u, ye jɔ̈ɔ̈ny në yic, ago nɔm ciën gääk wekë yen ëtök.

Lebai 19:17 ပူးပေါင်းရင်းမြစ်များ

Cäk 27:41

Ago Ethau Jakop maan guöp në këde athiɛɛidɛn cï wun gäm en. Ku lueel në yepiɔ̈u an, “Akööl bï wok wää tɔ̈ɔ̈u acïk thiɔ̈k, yɛn bï Jakop wänmääth nɔ̈k.”

2 Tham 13:22

Ku Abthalom acï Amnon bɛ̈n maan guöp arëët në baŋ cïï yen Tamar nyankënë wiëët, arëk abïï jam puɔ̈l kekë yen.

Neɣe 13:17

Guɔ bäny ke Judai jɔ̈ɔ̈ny ku lɛ̈k keek an, “Tiëŋkï karɛc luɔikï! Wek kën kööl ë Thabath tɔ ɣeric.

Diɛt 141:5

Kɔc piɛth aduɛ̈ɛ̈rkï a dui ku nenkï yɛn në piath, ku yɛn cïï miɔ̈c de kɔc ee karɛc looi bï gam, në biäk ee yɛn cool ë läŋ në biäk de luɔidɛn rac.

Kɛ̈ŋ 9:8

Du raan ee kɔc geet gup ee jɔ̈ɔ̈ny, abï yïn maan guöp. Ku na jäny raan pelnɔm ka bï yïn nhiaar.

Luk 17:3

Yak röt tiit! Na lui mɛnhkui yïn kërac, ke jäny të puk en e piɔ̈u, ke päl.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

1 Kor 5:2

Ku we ë nïïm dham, ku kɛ̈nkï dhiau, ke raan cï ee kënë looi bï jɔt ë weyiic.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

1 Tim 5:20

Kɔc ee kërac looi, ye ke jɔ̈ɔ̈ny ë kɔc nïïm kedhie, ke kɔc kɔ̈k ë ke bï riɔ̈ɔ̈c aya.

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Tito 1:13

Kë lueel cäätɔyë ee yic. Yen ee yïn keek jɔ̈ɔ̈ny ë jäny rac, ke ke bï aa tɔ̈u ë gämic ke cïn kërac,

Tito 2:15

Ye kake lueel, riit yïn ke kɔc piɔ̈ɔ̈th, ku jäny keek në riɛl ëbɛ̈n. Ë cïn raan bï yï biɔɔn.

1 Jɔn 2:11

Ku raan man mɛnhkënë, ka tɔ̈u tëcol, ku ciɛth tëcol, ke kuc të le yen thïn, ë luɔi cï cuɔlëpiny ye tɔ cɔɔr.

1 Jɔn 2:9

Raan lueel en, an, tɔ̈u tëɣer, ku mɛɛn mɛnhkënë, ka tɔ̈u tëcol aɣët cï ënɔɔnë.