Lebai 19:13 - JAM DE NHIALIC 2011

¹³ Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Lebai 19:13 ပူးပေါင်းရင်းမြစ်များ

Jop 17:5

Ade kääŋ ee ye lueel ɣɔn an, raan ee määthke gaany në biäk de kajuëc kɔɔr, ee mïthke bɛ̈n tääu në nuanic.

Jop 31:39

ku cam ka ye luɔk thïn ke cïn kë tääu piny, ku ta kɔc de ye thou,

Jop 7:2

ku cïkï cït lïm kɔɔr atiëpic, cïkï cït raan tit ariöpdɛn ë luɔi ë kööl tök?

Bɛ̈n 20:15

“Du kuël.

Bɛ̈n 22:13

Ku na ë nɛ̈k ë län roor, ke raan mac këdäŋ ë bïï biäk cï döŋ ke bïï ŋic nɔn cïï läi e cuet. Ku ëtɛ̈ɛ̈n, acïï kë ë nɛ̈k läi bï cool.

Bɛ̈n 22:15

Ku na nu raan de këdäŋ, ke raan ë cïï kë cï thou col. Ku na ë ye kë ë riɔpic, ka acïn nɔm acuut.

Bɛ̈n 22:21

“Duökï raan lei ee kuöc luööi ku duökï ee yɔŋ. Yak wenïïm tak nɔn cä wek kɔn aa kɔc lei ɣɔn ë Rip.

Bɛ̈n 22:7

“Na cï raan raan rëër kek gäm wëu muk keek, ku nɔn ee kek ka de naamden, ku cï ke lɔ kual tëde raan rëër kek, ku cï cuɛ̈ɛ̈r dɔm, ke cool ë cuɛ̈ɛ̈r keek raanrou.

Kɛ̈ŋ 20:10

Kuöc thëm de yic cuëër ee gök de kërɛɛc mɛɛn Bɛ̈nydït.

Kɛ̈ŋ 22:22

Du kɔc kuanynyïïn yɔŋ në luɔi kɔ̈c kek, ku du keek ee baar nyïïn në gönyiic.

Kɛ̈ŋ 3:28

Du kɔn lɛ̈k kɔc rɛ̈ɛ̈r në yïn an, “Abä tïŋ tei miäk, të lëu yïn en nɔn duëër yïn ke kony ee köölë.

Jeremia 22:13

Amawoou në raan ee ɣönde yïk në yaaŋ, ku ye ŋuak nyin në ruëëny, raan ee kɔcken tɔ lui baaŋ, ku cïï wëu ke ariöpden ee gäm keek.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 22:29

Kɔc kueth ayek kɔc math ku rumkï kɔc. Ayek kɔc kuanynyïïn cieŋ arac, ku jɔkï alɛi cam.

Lebai 25:14

Ka të ɣɔ̈c yïn raande Yithriɛl piny ku nɔn ee piny yen ɣɔc tëde yen, duökï ee luui në ruëëny.

Lebai 25:17

Duökï raanduön de Yithriɛl ee cam, yak riɔ̈ɔ̈c ë Nhialicdun, ee Yɛn Bɛ̈nydït Nhialicdun.

Lebai 6:3

Ku na cï kë cï määr yök, ku mɛth kɔc në baŋde, ku nɔn kuëëŋ në lueth. Ku të cïï yen kërac looi.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 20:8

Na wën, acï akɔ̈l lɔ piny, ke bɛ̈ny de dom yöök wukilde an, ‘Cɔl kɔc lui, ku gämë keek ariöpden, abä gɔl në kɔc ë bɔ̈ ciëën, le guööt ë kɔc ë bɔ̈ tueŋ.’

Mak 10:19

Yïn ŋic cök ke lööŋ an, ‘Du lɔ wekë tiiŋ lei, du raan däŋ näk abï thou, du ye kual, du kɔc ee cäk thook, du kɔc ee cam, ye wuur riëëu kekë moor.”’

Luk 3:13

Go keek yöök an, “Duökï käŋ ë kɔɔr tëde kɔc kë wär kë cï lɛ̈k week.”

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Tim 5:18

Luɔi cï këcïgɔ̈ɔ̈r e lueel an, “Du awalɔ ee tääu ë miɔɔr thok miɔɔr ee rap kɔ̈ɔ̈m.” Ku lueel aya, Raan ee luui ee röŋ ke ariöpde.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.