Lebai 19:10 - JAM DE NHIALIC 2011

¹⁰ Duökï duumkun ke enap ee bɛ beeriic në tëm, ku duökï enap cï lööny piny domic ee kuany. Pälkï keek kɔc kuanynyïïn ku kɔc lei. Ee Yɛn Bɛ̈nydït Nhialicdun.

Lebai 19:10 ပူးပေါင်းရင်းမြစ်များ

Yith 17:6

Ee kɔc lik tei kek abï döŋ apïïr, ku Yithriɛl abï ciët tim de olip cï tet nɔm ëbɛ̈n në mïth, ale döŋ ke ye mïth kaarou ku nɔn yek diäk në yenɔm nhial ya, ku nɔn ee ka lik cï döŋ në kër nu të lɔ pinyë. Acä lueel, Yɛn Bɛ̈nydït Nhialic de Yithriɛl.”

Yith 24:13

Kë bï tuöl kï të de juöör ë piny nɔm ëbɛ̈n. Abï ciët thök de tëm, të cï ë mïth ke olip yuöp bei në tiim gup ëbɛ̈n, ku jɔ mïth ke enap ciëën lɔ̈ɔ̈k tɛ̈t bei në tim guöp aya.

Jeremia 49:9

Ku të tet ë kɔc enap, ade kalik ee döŋ ë kër kɔ̈ɔ̈th, ku të bïï ë cuɛ̈ɛ̈r wakɔ̈u, ee ka kɔɔrkï, kek yek jɔt.

Lebai 11:44

Ee yɛn Bɛ̈nydït Nhialicdun. Takï weyiic ɣer në biäkdï, në luɔi ɣɛɛr Ɛn yic. Duökï röt tɔ rac në biäk de lɛ̈n töŋ ee mol piny.

Lebai 19:11

Du ee kual, du lueth ee töör, du raandäŋ ee math.

Lebai 19:25

Ku në ruöön ye kek dhïc, wek duëër jɔ cam në mïthken, na lak ee kakë lɔ looi, tiimkun abïk aa dhiëth në mïth juëc. Ee Yɛn Bɛ̈nydït Nhialicdun.

Lebai 19:9

Ku të tɛm wek rɛɛp ke duumkun, duökï keek ee tem abäk ɣet në dom këc, ku duökï athɔɔr ee bɛ kɔ̈ɔ̈m.

Lebai 23:22

Ku të tem yïn domdu, du ee tem ayï dom këc. Ayï ka cï lööny piny të tëm yïn du keek kuany. Päl ë keek kɔc kuanynyïïn kekë alɛi. Ee yɛn Bɛ̈nydït Nhialicdun.

Lebai 25:6

Ku bï luɔk piny ëbɛ̈n ë ruöön de Thabath ë dhorou, abï ya këcamdun wegup, ayï röör lïïmkun ayï duet lïïmkun ayï kɔc lui në week ayï kamaan rɛ̈ɛ̈r në week ë nïn liiakäŋ.

Obadaya 1:5

“Të bïï cuɛ̈ɛ̈r bɛ̈n cuëër wakɔ̈u, ee ka kɔɔrkï kapäc kek ayek jɔt. Të mɛ̈ɛ̈t ë kɔc mïth ke enap yiic, mïth kɔ̈k cïkï ee döŋ piny? Kɔc de ater në week acïk week riɔ̈ɔ̈k taitai.

Maika 7:1

Amawoou, yɛn cïï gök yök! Yɛn cï ciët raan nɛ̈k cɔk, ku cïn mïth ke tiim amäi nhiɛɛr ye cam cï yök në tim nɔm.

Nyöŋ 24:19

“Të määt wek rɛɛpkun ë duumiic, rɛɛp cäk keek tem, na de rɛɛp kɔ̈k cï döŋ piny domic, ë rɛɛp cä ke temiic, duökï keek be lɔ bɛ̈ɛ̈i, abï keek nyäŋ alɛi, ku mïth abɛɛr, ku diëër abɛɛr, ago Bɛ̈nydït Nhialicdun week thieei në këriëëcduön yak looi yic ëbɛ̈n.

Nyöŋ 24:20

Të cä wek mïth ke tiim ke olip tet raan tök, duökï be lɔ ciëën bäk ka cï döŋë bɛ lɔ tet, ayek kake kɔc lei, ku mïth abɛɛr, ku diëër abɛɛr.

Nyöŋ 24:21

Të cä wek mïth ke enap määtiic raan tök, duökï be lɔ në duum yiic, bäk ke bɛ lɔ beer yiic, mïth ke enap cï döŋë, ayek kake alɛi, ku mïth abɛɛr, ku diëër abɛɛr.

Bäny 8:2

Go lɛ̈k keek an, “Kë cä looi acïn naamde na thööŋë kekë këduön cäk looi. Ku këthiin cäk looi wek kɔc ke Eparaim adït arëët awär kë cï dhiënda looi ëbɛ̈n.

Ruuth 2:2

Kööl tök, ke lëk ë Ruuth Nawomi an, “Yɛn lɔ ë duumiic, la kuany ë rɛɛp cï döŋ piny ë kɔc cök. Abï dɛ raan lɔ piɔ̈u kok ke yɛn.” Go Nawomi lɛ̈k en an, “Lɔ mɛnhdï.”