Lebai 18:27 - JAM DE NHIALIC 2011

²⁷ Në luɔi cïï kɔc wään tueŋ kɔn ee pinyë ceŋ në wenïïm tueŋ, kakë looi kedhie, ago piny guɔ riääk.

Lebai 18:27 ပူးပေါင်းရင်းမြစ်များ

1 Mel 14:24

Ku kërɛɛc dït arëët, ade röör akɔɔrdiäär, ku diäär akɔɔrröör, kɔc ee lui në ɣään ke läm de yiëth yiic. Kɔc ke Juda acïk kake ayäär looi ëbɛ̈n, ka ɣɔn ye jur ɣɔn cï Bɛ̈nydït cuɔp wei ë pinyic looi, ɣɔn kɔt kek ë Yithriɛl wään bïï kek.

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 21:2

Acï kërac looi në Bɛ̈nydït nɔm, cït karɛc ɣɔn ye juöör ke looi, juöör ɣɔn bïï Bɛ̈nydït cop në kɔc ke Yithriɛl nïïm.

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Edhekiɛl 16:50

Keek aake ye röt lɛɛc ku rilkï nïïm, ku aloikï ka maan keek, aguɔ ke riɔ̈ɔ̈k cït man ŋic yïn en apiɛth.

Edhekiɛl 22:11

Kɔ̈k ayek niin ë diëër lei, ku nin kɔ̈k në diëër ke wɛ̈ɛ̈tken, ku kɔ̈k në duet ke wärken ku duet ë wacken.

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.

Lebai 18:24

Duökï röt riɔ̈k në ciɛɛŋ cït ee kakë, në biäk ee yen luɔi cït ee luɔiyë, yen aa riɔ̈ɔ̈kë juöör, juöör ɣɔn cuɔp wei ënɔɔnthiinë në wenïïm.

Lebai 18:26

Ku wek bï wëëtdï dhil muk ku mɔ̈kkï lööŋkï. Raan de Yithriɛl ku raan bï rɛ̈ɛ̈r në weyiic, ë cïn kërɛɛc töŋ bï looi në ë kakë yiic.

Lebai 18:28

Ku na lak piny lɔ riɔ̈ɔ̈k. Abï week ŋak wei, cït man ɣɔn kɔn en juöör wään tɔ̈u ë wenïïm tueŋ ŋak wei.

Nyöŋ 20:18

Näkkï keek, agokï week cïï bï tɔ lui kërac Bɛ̈nydït Nhialicdun, në wɛ̈ɛ̈t bï kek we wɛ̈ɛ̈t në kanhiany ëbɛ̈n, ka yek keek looi në läm de yiëthken yiic.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Nyöŋ 25:16

Bɛ̈nydït Nhialicdun aman kɔc ee mɛth.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’