Lebai 18:21 - JAM DE NHIALIC 2011

²¹ Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 18:21 ပူးပေါင်းရင်းမြစ်များ

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 17:31

ku kɔc ke Yiwa, acïk röt luöi yiëth ke Nibadh ku Tartak, ku jɔ kɔc ke Theprapiam mïthken aa gam ke ke ye miɔ̈c nyupë yanh cɔl Adramelek ku Anamelek, ku yanh tiiŋ cɔl Theprapiam.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

Jeremia 19:5

ku acïk yïk yiëk Baal, në biäk bïï kek mïthken gam ke ke ye miɔ̈c ye nyop ëbɛ̈n këde Baal. Akɛ̈n ke kɔn yɔ̈ɔ̈k bïk ee kënë looi, akën kɔn lɔ ë yanɔm aya.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 23:37

Keek acïk röör kɔɔr ku näkkï kɔc, acïk köör në yiëth ku näkkï mïth cïk keek dhiëth ɛn. Acïk wɛ̈ɛ̈tkï nɔ̈k ke ke ye miɔ̈c näk gëmë ke yiëthken.

Lebai 19:12

Duökï ee kuëëŋ në rinkï baaŋ në lueth, ku jakï rinkï yɔ̈ɔ̈r. Ee yɛn Bɛ̈nydït Nhialicdun

Lebai 21:6

Abïk röt dhil tɔ ɣer ë Nhialic nɔm ku acïkï rin ke Nhialic bï dhil aa läät. Në biäk ye kek miɔ̈c cï looi ë mac gäm Bɛ̈nydït, këcam de Nhialicden, ka abïk yiic dhil ɣɛɛr.

Lebai 22:2

an, “lɛ̈kë Aron kekë wɛ̈ɛ̈tke an, ‘Bïk miɔ̈c ee kɔc ke Yithriɛl gäm Ɛn aa looi në riëëu. Aguɔkï rinkiën ɣeriic cuö yɔ̈ɔ̈r, Ee Yɛn Bɛ̈nydït.

Lebai 22:32

Duökï rinkiën ɣeric ee läät, Yɛn bïï kɔc ke Yithriɛl dhil ŋic nɔn ɣɛɛr Yɛn yic. Ee Yɛn Bɛ̈nydït raan ë tɔ week ɣeric.

Lebai 24:15

Ku yöökë kɔc ke Yithriɛl an raan ëbɛ̈n raan lɔ Nhialic lɔ lät aciɛɛn, acï kërac looi.

Amoth 2:7

Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

Amoth 5:26

Ku ënɔɔnë, në biäk cä wek yiëth lam, yanh cɔl Thakuth melikdun, ku Kaiwan yanhduön ë kuel, kek ee yiëthkuön cäk guɛ̈ŋ röt, abäk keek ɣääc wadäŋ,

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Malakai 1:12

Ku ayak dhiöök, në luɛɛl ya wek en lueel an cï yïïŋ de Bɛ̈nydït wuɔɔk, ku takï kacaam tɔ̈u në yenɔm ee ka ɣäär yiic.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’

Romai 1:23

ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.

Romai 2:24

Rin ke Nhialic aye ke läät ë Juööriic në baŋdun, acït man cï e gɔ̈ɔ̈r.

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.