Lebai 17:15 - JAM DE NHIALIC 2011

¹⁵ Ku raan de Yithriɛl ëbɛ̈n, ayï raan lei ëbɛ̈n, raan lɔ cam në rïŋ de lɛ̈n cï thou, ku nɔn ee lɛ̈n cïï lɛ̈n roor nɔ̈k, abï lupɔɔke dhil waak ku wɛɛk rɔt në pïïu, abï rac agut cï thëën, të ŋoot en kë kën guöp waar.

Lebai 17:15 ပူးပေါင်းရင်းမြစ်များ

Bɛ̈n 22:30

Ku gämkï ya kɛ̈i ke ɣɔ̈kkun, ayï kɛ̈i ke thökkun. Yak kɛ̈ɛ̈i tɔ rɛ̈ɛ̈r në nïn kadhorou, na kööl ye akööl bɛ̈t ke gämkï ke Yɛn.

Bɛ̈n 22:31

“Wek ee kɔckiën cä kuɛ̈ny bei, duökï rïŋ de län cïï län roor nɔ̈k ee cuet, yak gäm jɔ̈k.

Edhekiɛl 4:14

Guɔ bɛ̈ɛ̈r an, “Bɛ̈nydït Awärjäŋ, Yɛn kën rɔt dhiöök ëcaŋɣɔn aa yɛn meth, yɛn kën rïŋ de lɛ̈n cï thou kɔn cam, lɛ̈n ë thou yetök ku nɔn ë ciɛm lɛ̈n däŋ, yɛn kën kɔn cam në kacaam ke acuɔl.”

Edhekiɛl 44:31

Bäny ke kake Nhialic acïkï bï dhil aa cuet në din ë thou yetök, ku nɔn ee din ë nɛ̈k ë lɛ̈n däŋ.”

Lebai 11:24

Kek ee kämkë abïk week tɔ rac. Ku raan lɔ kɔ̈m cï thou jak në ee kämkë yiic, abï guöp rac aɣët cï thëën.

Lebai 11:25

Ku raan lɔ kɔ̈m cï thou kuany, abï lupɔɔke dhil waak, ku abï guöp rac aɣët cï thëën.

Lebai 11:27

Ku läi ee cath në cök kaŋuan kedhie, ku läi ee cath në keriöp, acïkï piɛth tëde week. Ku raan lɔ lɛ̈n cï thou në ee läikë yiic jak, abï guöp rac aɣët cï thëën.

Lebai 11:28

Ku raan lɔ lɛ̈n cï thou kuany në ee läikë yiic, abï lupɔɔke dhil waak, ku abï guöp rac aɣët cï thëën, ke ee läikë acïkï piɛth tëde week.

Lebai 11:31

Kek ee läi ee mol pinyë, acïkï piɛth tëde week, raan lɔ guöpdɛn cï thou jak, abï guöp rac aɣët cï thëën.

Lebai 11:32

Na lɔ lɛ̈n cïï piɛth thou, ku lööny në këdäŋ kɔ̈u, yen ee kënë acïï bï piath ayadäŋ. Ku na ee lupɔɔ ë loi alath, ayï dɛ̈l, ayï lupɔ de nhiëm, ayï kë ye käŋ looi. Kë cïï lɛ̈i lööny në yekɔ̈u, abï dhil waak në pïïu, ku acïï bï piath aɣët cï thëën. Na lë abï jɔ bɛ piath.

Lebai 11:39

Ku na lɔ lɛ̈n yak cam thou raan lɔ jak guöp, raanë acïï guöp bï piath aɣët cï thëën.

Lebai 11:40

Ku raan lɔ rïŋ de lɛ̈n cï thouwë cuet, abï lupɔɔke dhil waak, ku acïï guöp bï piath aɣët cï thëën. Ku raan lɔ guöp de lɛ̈n cï thou kuany, abï lupɔɔke dhil waak, ku acïï guöp bï piath aɣët cï thëën.

Lebai 15:10

Ku raan ëbɛ̈n, raan lɔ këdɛn ë rɛ̈ɛ̈r en thïn jak, abï guöp dhil rac aɣët cï thëën, ku raan lɔ ë kakë bɛ̈ɛ̈i bei, abï lupɔɔke dhil waak, ku wɛɛk rɔt në pïïu, ku abï guöp rac aɣët cï thëën.

Lebai 15:21

Raan ëbɛ̈n, raan lɔ agende jak, abï lupɔɔke dhil waak, ku wɛɛk rɔt në pïïu, ku abï guöp rac aɣët cï thëën.

Lebai 15:5

Ku raan lɔ agende jak, raanë abï lupɔɔke dhil waak, ku wɛɛk rɔt në pïïu, ku abï guöp rac aɣët cï thëën.

Lebai 22:8

Ku yen acïï bï dhil cam në rïïŋ de lɛ̈n cï thou, ku nɔn ee lɛ̈n ë nɛ̈kë läi roor, ago guöp dɛ acuɔl në biäkde, Ee Yɛn Bɛ̈nydït.

Lebai 7:24

Ayï kɔl de lɛ̈n cï yök ke cï thou, ku nɔn ee lɛ̈n cïï läi roor cam, aduëër ë këdäŋ looi ku acïï duëërë cam.

Kuɛ̈n 19:19

Raan ɣeric abï raan de guöp acuɔl yuöör pïïu në kööl ë diäk, ku kööl ë dhorou. Ku në kööl ë dhorou abïï keek tɔ ɣeriic. Abïk lupɔɔken waak, ku yuur keek pïïu, ku abïk gup piɛth thëën të le akɔ̈l piny.

Kuɛ̈n 19:21

Löŋë abäk döt anandun. Ku raan ee kɔc yuöör pïïu ka aɣɛɛr, abï lupɔɔke waak ayadäŋ. Ku raan cï pïïu ka aɣɛɛr jak, abï rëër ke cïï guöp piɛth agut cï thëën.

Kuɛ̈n 19:8

Ku raan wën ë ɣɔɔk weŋ abï lupɔɔke waak ayadäŋ, ku wɛ̈l e guöp pïïu. Ku abï rëër ke cïï guöp ɣer agut cï thëën.

Nyöŋ 14:21

“Duökï lɛ̈n cï thou yetök ee cuet. Aduëërkï tɔ cuet ë kɔc lei rëër në wuötkuniic, ku nɔn ɣɔ̈ckï kɔclɛn kɔ̈k. Ku wek ee kɔc ɣeriic ke Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.