Lebai 16:30 - JAM DE NHIALIC 2011

³⁰ Në ee köölë wek bïï teem gup, ago week waak në Bɛ̈nydït nɔm, ku we bï gup jɔ piath në karɛckun kedhie.

Lebai 16:30 ပူးပေါင်းရင်းမြစ်များ

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Lebai 23:27

“Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Lebai 23:28

Duökï lui në ee köölë, në biäk ee yen kööl de atɛɛm. Në biäk bï ë week teem gup ë Bɛ̈nydït Nhialicdun nɔm.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.