Lebai 16:24 - JAM DE NHIALIC 2011

²⁴ Abï rɔt dhil waak në pïïu tëɣeric, ku jɔ lupɔɔkɛn ye ke ceŋ tääu në yekɔ̈u, ku jɔ bɛ̈n ku nɛ̈k miɔ̈c ye nyop ëbɛ̈n në biäk de yen guöp, ku miɔ̈c ye nyop ëbɛ̈n në biäk de kɔc, ku jɔ rɔt teem kekë kɔc ayadäŋ.

Lebai 16:24 ပူးပေါင်းရင်းမြစ်များ

Bɛ̈n 28:40

“Guötë wɛ̈ɛ̈t ke Aron aluluut, ku lupɔɔ ke duöt ë yic, ku atɛ̈ɛ̈ny ë kenïïm, ke bï ke tɔ läk, ku tɔ keek rïïuwë gup.

Bɛ̈n 28:41

Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic.

Edhekiɛl 42:14

Na cï bäny ke kake Nhialic bɛ̈n tëɣeric, ku kɔɔrkï luɔi bï kek lɔ në kal yic biic, abïk lupɔɔ ɣeriic wën ceŋkï të wën luui kek dhil nyääŋ piny ee ɣöötkë yiic. Abïk lupɔɔ kɔ̈k dhïl tääu në kekɔ̈ɔ̈th, ke ke kën kɔn lɔ biic të cï kɔc kenïïm mat thïn.”

Lebai 14:9

Ku në nïn ye kek dhorou, abï nhïm ke dhil mɔ̈ɔ̈t wei kedhie, nhïm ke yen nɔm, ku ye nɔ̈k, ku nhïm ke yenyin, ku lɔ nhïmkɛn kɔ̈k. Raan abï lupɔɔke dhil waak, ku wɛɛk yeguöp në pïïu. Ku abï jɔ piath.

Lebai 16:25

Ku abï miök de miɔ̈c de kërac nyop në yïk nɔm aya.

Lebai 22:6

Raan lɔ këde guöp acuɔl jak, abï guöp dɛ acuɔl aɣet thëën. Acïï miɔ̈c ɣeric de Bɛ̈nydït bï cam, aɣet të bï en kɔn waak në pïïu.

Lebai 9:7

Na wën ke Mothe ë yɔ̈ɔ̈k Aron an, “Lɔɔr në yïk nɔm ku gämë miɔ̈c de kërac kekë miɔ̈c ye nyop ëbɛ̈n. Ku luöiyë rɔt atɛɛm wekë kɔc kedhie, ku bɛ̈ɛ̈iyë miɔ̈c de kɔc ku teem kɔc gup, cït man cï Bɛ̈nydït e lueel.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.