Lebai 16:22 - JAM DE NHIALIC 2011

²² Ku nyɔk, abï karɛcken kedhie jɔ lɛɛr wei piny cïn raan ceŋ en, ku jɔ nyɔk lɔ nyääŋ ë jɔ̈ɔ̈ric.

Lebai 16:22 ပူးပေါင်းရင်းမြစ်များ

Diɛt 103:10

Acïï wook ee luööi cït man ë kërɛɛcda, ku cïï wook lui këtuc cït man de awɛ̈ɛ̈ckuɔ.

Diɛt 103:12

Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

Edhekiɛl 18:22

Karɛcke kedhie aye ke päl en, ku abï pïïr në biäk cïï yen piathëpiɔ̈u looi.

Edhekiɛl 4:4

“Ëtɛ̈ɛ̈n tɔ̈c në biäk camdu, ku yɛn bï awäny de baai de Yithriɛl tääu në yïyeth.

Lebai 14:7

Ku bɛ̈ny de kake Nhialic, abï riɛm wiɛ̈ɛ̈th në raan bïï tɔ waar guöp në wɛth raandhorou, ku abï jɔ caal, nɔn cïï raan guöp waar, ëtɛ̈ɛ̈n abï jɔ lɔ të lääu, ku jɔ dït tɔ pär ke lɔ roor.

Lebai 16:21

Ku abï yeciin thany në nyɔk nɔm, ku gɛm awɛ̈ɛ̈c ku karɛc ku luɔi, ku karɛc de kɔc ke Yithriɛl ëbɛ̈n. Ku jɔ keek pɔ̈k në nyɔk nɔm, ku ëtɛ̈ɛ̈n, nyɔk abï jɔ kuaath ë jɔ̈ɔ̈ric në raan cï lɔc an bï yen looi.

Lebai 16:23

Ku jɔ Aron lɔ në paany de mätic, ku bïï lupɔ ke linɔn bei, lupɔ wën bï tääu ke kën kɔn lɔ Tëɣeric aläl. Ku abï keek jɔ nyääŋ piny ëtɛ̈ɛ̈n.

Maika 7:19

Yïn bï piɔ̈u bɛ kok we wook, ku dum awɛ̈ɛ̈ckuɔ yiic në yïcök, ku dɛɛnyë ke ë wɛ̈ɛ̈ric në lilic ya.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.