Lebai 16:21 - JAM DE NHIALIC 2011

²¹ Ku abï yeciin thany në nyɔk nɔm, ku gɛm awɛ̈ɛ̈c ku karɛc ku luɔi, ku karɛc de kɔc ke Yithriɛl ëbɛ̈n. Ku jɔ keek pɔ̈k në nyɔk nɔm, ku ëtɛ̈ɛ̈n, nyɔk abï jɔ kuaath ë jɔ̈ɔ̈ric në raan cï lɔc an bï yen looi.

Lebai 16:21 ပူးပေါင်းရင်းမြစ်များ

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Diɛt 51:3

Në baŋ ye awɛ̈ɛ̈ckï, ku karɛckï ya wat aköölnyïïn.

Bɛ̈n 29:10

“Ku bɛ̈ɛ̈iyë miɔɔr ë paany de mät thok. Ku tɔ Aron tɛ̈ɛ̈u e cin ë miɔɔr nɔm kekë wɛ̈ɛ̈tke.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Lebai 1:4

Raan abï yeciin jɔ thany në miɔ̈c ye nyop ëbɛ̈n nɔm, ku abï jɔ gam në nyinde yic, ke bï aa kë teem ë yen guöp.

Lebai 16:20

Na cï Aron jɔ thök në kɔ̈c de Tëɣeric aläl, kekë paany de mät, ku yïk. Abï Bɛ̈nydït jɔ gäm nyɔɔŋ pïïr cï lɔ̈c Adhadhel.

Lebai 16:22

Ku nyɔk, abï karɛcken kedhie jɔ lɛɛr wei piny cïn raan ceŋ en, ku jɔ nyɔk lɔ nyääŋ ë jɔ̈ɔ̈ric.

Lebai 26:40

“Ku na lek karɛcken gam ku gɛmkï karɛc ke wärken, ku gɛmkï awɛ̈ɛ̈c cïk luöi Ɛn ku aterdɛn cïk looi në Yɛn.

Lebai 5:5

Të cï ë raan awäny tök looi në ee kakë yiic, abï kërɛɛc cï looi dhil gam.

Romai 10:10

Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.