Lebai 16:18 - JAM DE NHIALIC 2011

¹⁸ Ku ëtɛ̈ɛ̈n, abï jɔ bɛ̈n biic ë yïk lɔ̈ɔ̈m, yïïŋ nu në Bɛ̈nydït nɔm, ku teem kɔc gup. Abï riɛm biäk de miɔɔr nööm, ku nööm riɛm biäk de nyɔk, ku tɛ̈ɛ̈u në yïk tuŋ kedhie.

Lebai 16:18 ပူးပေါင်းရင်းမြစ်များ

Bɛ̈n 30:10

Ku abï Aron en aa teem guöp raantök në ruöönic ëbɛ̈n. Abï riɛm de län cï näk miɔ̈c de kërac de atɛɛm aa nööm, ku teem en ke yïk ku tɔc tuŋ ke yïk kaŋuan. Kënë ë ye looi në runiic ëbɛ̈n. Ku yen ee yïïŋë, ë gëmë Yɛn, Yɛn Bɛ̈nydït, ku abï dhil tɔ̈u ke ɣeric aläl anande.

Edhekiɛl 43:20

Yïn bï biäk thiin ë riɛm nööm ku tääuwë në yïk tuŋ, ku tääuwë në aguuk kaŋuan ke yïk nɔm, ku në aguuk kaŋuan tɔ̈u ë yïk nɔm cil, ku ë yïk kɔ̈u ëbɛ̈n. Në ee kueerë yïn cï yïk jɔ tɔ piɛth ku jɔ teem guöp.

Edhekiɛl 43:22

Në kööl däŋë ke yï nöm nyɔɔŋ bou cïn guöp tëdak, ku näk ke ye miɔ̈c de kërac. Ku jɔ yïk tɔ ɣeric në riɛmde, në kueer wään cï kɔn luöi miɔɔr.

Edhekiɛl 45:19

Bɛ̈ny de kake Nhialic abï riɛm thiin de miɔ̈c de kërac nööm, ku tɛ̈ɛ̈u në nïn de Luaŋdït nɔm, në aguuk ke yïk kaŋuan, në nïn de Luaŋdït nɔm, ku në kueer lɔ në kal de Luaŋdït yic biäk thïn.

Lebai 16:16

Në ee kueerë, abï atɛɛm jɔ luöi tëɣeric, ku në biäk de acuɔl de kɔc ke Yithriɛl, ku karɛcken, kënë abï dhil luöi paany de mät, në biäk ye yen kɔ̈ɔ̈c në kɔciic, kɔc de gup acuɔl.

Lebai 16:17

Ku të cï Aron lɔ tëɣeric, le atɛɛm looi, abï aa ciën raan rɛ̈ɛ̈r në paany de mätic, agut të bï yen bɛ̈n bei, ku teem rɔt kekë paande, ku jɔ aa amatnɔm de Yithriɛl ëbɛ̈n.

Lebai 4:18

Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok.

Lebai 4:25

Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic.

Lebai 4:7

Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok.

Kuɛ̈n 28:22

Ayadäŋ nyɔɔŋ bou, ke ye miɔ̈c de kërac bï ë we teem gup

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.