Lebai 16:15 - JAM DE NHIALIC 2011

¹⁵ Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:15 ပူးပေါင်းရင်းမြစ်များ

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Lebai 4:21

Ëtɛ̈ɛ̈n abï miɔɔr tueŋë kɔn nyop, kënë ee miɔ̈c de kërac de amatnɔm.

Lebai 4:5

Ku ëtɛ̈ɛ̈n, bɛ̈ny de kake Nhialic, abï biäk de riɛm de miɔɔr nööm ku leer në Paany de Mätic.

Kuɛ̈n 17:11

Go Mothe ke cïï Bɛ̈nydït lueel looi.

Kuɛ̈n 28:15

Ayadäŋ nyɔɔŋ bou tök ke ye miɔ̈c de kërac, abï gäm Bɛ̈nydït, abïï ke mat në miɔ̈c de aköölnyïïn ye nyop ku miɔ̈cdɛn ye dek.

Ɣeberuu 2:17

Yen kë ë tɔ Yen tɔ cït mïthëkɔcken ka në këriëëcic ëbɛ̈n. Ke bï ya Bɛ̈nydïït ë kake Nhialic ee piɔ̈u adöt ku kook piɔ̈u në luɔi de Nhialic yic. Ke bï kɔc ke wɛ̈ɛ̈r bei në karɛckeniic.

Ɣeberuu 5:3

Yen aye yen miɔ̈c gam në biäk de awɛ̈ɛ̈cke, ku në biäk de awɛ̈ɛ̈c ke kɔc ayadäŋ.

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Ɣeberuu 9:13

Rim ke bɔɔth ku miöör ku lɔ ŋenh ë dan cï nyop, ye pɔɔr ë kɔc gup, kɔc cï wook në kacol, ago ke tɔ piɛth gup biic yen kueer ë löŋ thɛɛr ka.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:7

Ee bɛ̈nydïït ë kake Nhialic yen aaye lɔ ë paanyic ɣön ciëën raantök ëruöön tökic ke lɔ riɛm wiɛ̈ɛ̈th në këde yenhde ku lɔ këde awɛ̈ɛ̈c cï kɔc looi ke ke kuckï röt.