Lebai 16:13 - JAM DE NHIALIC 2011

¹³ Ku abï wɛ̈ɛ̈l ŋïr jɔ tääu ë macic ëtɛ̈ɛ̈n në Bɛ̈nydït nɔm, ku tol de wɛ̈ɛ̈l ŋïr abï akum de athänduŋ de mät thiaan, ago cïï tïŋ ku thou.

Lebai 16:13 ပူးပေါင်းရင်းမြစ်များ

Bɛ̈n 25:21

Tääuwë paam ke kuur kaarou athändukic thïn, ku kum nɔm në akum.

Bɛ̈n 28:43

Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.

Bɛ̈n 30:1

Go Bɛ̈nydït lɛ̈k Mothe an, “Loi yïïŋ bï wal ŋïr aa nyop në tim akacia.

Lebai 22:9

“Bäny ke kake Nhialic abïk wëëtdï dhil döt, ke cïï bïï aa kërac në kegup, ke ke cïï bï thou, të lan keek jääm në agɔ̈th. Ee Yɛn Bɛ̈nydït, Raan ë tɔ keek ɣer.

Kuɛ̈n 16:18

Na ɣɔn amiäk, ke raan ëbɛ̈n ë nöm abɔ̈nyde, ku kuɛ̈nyë yic mac, ku wɛ̈l nɔm wɛ̈ɛ̈l ŋïr, ku bï bɛ̈n kɔ̈ɔ̈c në paany de mät thok tueŋ në Mothe kekë Aron ëtök.

Kuɛ̈n 16:46

Ku lëk ë Mothe Aron an, “Nöm abɔ̈nyduön ë tool, ku kuɛ̈nyë yic mac në yïk nɔm, ku yiëkë nɔm wɛ̈ɛ̈l ŋïïr de tool, ku dap kat we yen, lɔ tol akutnɔm de kɔc ke ke bä ke teem gup. Dap kat agönh ë Bɛ̈nydït ë tïc, ka jɔɔk acïk kɔc guɔ dɔm.

Kuɛ̈n 16:7

ku kuɛ̈nykï keyiic mac, tääukï wɛ̈ɛ̈l ŋïïr de tool thïn, ku bɛ̈ɛ̈ikï në Bɛ̈nydït nɔm. Raan le Bɛ̈nydït lɔc yen abï ya raandɛn ɣeric. Këdun acäk ŋuak nɔm, wek wɛ̈ɛ̈t ke Lebai.

Kuɛ̈n 4:15

Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Kuɛ̈n 4:20

Na lɔ dhiën ë Koɣath lɔ në paanyic baaŋ, le bäny ke kake Nhialic tïŋ të dut kek kaɣeriic, në baŋ ë kuɛ̈th, abïk thou.

Nyöŋ 33:10

Abïk mïthku wɛ̈ɛ̈t bïk löŋdu aa riëëu. Abïk miɔ̈c de wal ŋïr ku miɔ̈c ye nyop aa gam në yïïŋdï kɔ̈u.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.