Lebai 15:24 - JAM DE NHIALIC 2011

²⁴ Na cï moc tɔ̈c kekë yen, ku jɛk moc në riɛmdɛn thëk en, ke moc abï guöp rac aɣët cï thëën, ku agendɛn le yen tɔ̈c thïn, abï yic rac.

Lebai 15:24 ပူးပေါင်းရင်းမြစ်များ

Edhekiɛl 18:6

Acïï yiëth ke baai de Yithriɛl ee lam ku acie cam në miɔ̈c näk ye gam në yïk cï pëën yiic. Acïï tiiŋ de raan däŋ ee riɔ̈ɔ̈k nɔm, ku cie tɔ̈c ke tik të thëk en.

Edhekiɛl 22:10

Kɔc kɔ̈k në keyiic ayek tɔ̈c në diëër ke wärken. Ku wïït kɔ̈k diäär në riɛl ke ke thëk.

Lebai 15:23

Na cakaa yen ë ye agen, ku nɔn ë këriëëc cï en nyuc thïn ëbɛ̈n, të cï raan en jak, raanë abï guöp rac aɣët cï thëën.

Lebai 15:33

Ku në biäk de tiiŋ thɛ̈k, ku në biäk de moc, ku tiiŋ kuëër guöp, ku në biäk de mony cï tɔ̈c kekë tiiŋ thɛ̈k.

Lebai 18:19

Du tik ee kɔɔr bäk tɔ̈c wekë yen të thɛ̈k en.

Lebai 20:18

Na tɔ̈c moc kekë tik në aköölkɛn ke thëk, acï awaŋde nyuɔɔth, ku tik acï awaŋ de riɛlde nyuɔɔth aya, ka keek kedhie abï ke dhil tɛ̈ɛ̈m bei në kɔcken yiic.

1 Theth 5:22

yak tɛɛm ë luɔi de kërac ëbɛ̈n.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.