Lebai 14:30 - JAM DE NHIALIC 2011

³⁰ Ku ëtɛ̈ɛ̈n, abï guuk tök ku nɔn ee ajiël ke guuk wën cïï ë raanë bɛ̈ɛ̈i jɔ nɔ̈k.

Lebai 14:30 ပူးပေါင်းရင်းမြစ်များ

Lebai 12:8

Ku na cïï thɔ̈k bï lëu, ke aduëër guök kaarou bɛ̈ɛ̈i, ku nɔn yen ajiël ke guuk kaarou. Tök abï aa këde miɔ̈c ye nyop ëbɛ̈n, ku tök abï aa këde miɔ̈c de kërac. Ku bɛ̈ny de kake Nhialic abï tik jɔ teem guöp, ku abï guöp jɔ piath.

Lebai 14:22

Ku guök kaarou, ku nɔn yen ajiël ke guuk kaarou, cït man ë këdɛn bïï lëu. Kënë abï aa miɔ̈c de kërac, ku ye däŋë miɔ̈c ye nyop ëbɛ̈n.

Lebai 14:29

Ku miök biäk nu në yeciin, abï bɛ̈ny de kake Nhialic jɔ tääu në raan bï tɔ waar guöp nɔm, ku jɔ teem guöp në Bɛ̈nydït nɔm.

Lebai 14:31

Kënë, abï aa miɔ̈c de kërac, ku ye däŋë miɔ̈c ye nyop ëbɛ̈n kekë miɔ̈c ë rap ë tök. Në ee kueerë bɛ̈ny de kake Nhialic abï raan wën bïï tɔ waar jɔ teem guöp në Bɛ̈nydït nɔm.

Lebai 5:7

Ku na cïï raan nyɔɔŋ amääl ku nɔn ee bou bï lëu, ke yen abï guök kaarou, ku nɔn yen ajiël ke guuk kaarou yiɛ̈n Bɛ̈nydït ke ye miɔ̈c de awäc, në biäk de kërɛɛcdɛn cï looi, tök ee miɔ̈c de kërac, ku ye däŋë miɔ̈c ye nyop ëbɛ̈n.

Luk 2:24

Ku bïk Nhialic yiɛ̈n kë bï lam ku näk, acït man cï e lueel ë löŋ ë Bɛ̈nydït an, guk kaarou, ku nɔn ee kek ajiël ke guuk kaarou.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.