Lebai 14:21 - JAM DE NHIALIC 2011

²¹ Ku na ye raan, raan kuany nyin, ku cïï ee kakë bï lëu, abï nyɔɔŋ amäl tök dhil lɛɛr, ke ye miɔ̈c de awäc ke bï lɔ nyuɔɔth, bï ë yen lɔ teem guöp, ku kilɔ töŋ de aɣar cï liääp kekë miök de olip, ke ye miɔ̈c ë rap ku aguun de miök.

Lebai 14:21 ပူးပေါင်းရင်းမြစ်များ

Jop 34:19

Yen acïï rɔt ee mät bäny ku nɔn nhiɛɛr kɔc kueth, ku mäl kɔc kuanynyïïn, Yen aa cak raan ëbɛ̈n.

Kɛ̈ŋ 17:5

Raan ee kɔc kuanynyïïn dɔl gup, alɛ̈ɛ̈t Aciëŋden, ku paan cieŋ nɔk në riäŋ de paan däŋ acïkï bï tɔ̈u ke ke kënë kuum.

Kɛ̈ŋ 22:2

Kɔc kueth ku kɔc kuanynyïïn töŋ mat keek, aa ciɛk Bɛ̈nydït keek.

Edhekiɛl 46:7

Miɔɔr tök ku nyɔɔŋ tök abïk aa dɛk lönh töŋ de rap, ku nyɔɔŋ amäl koor tök, miɔ̈c ë rap abï aa kɔɔr ë wën bɛ̈ny bï gam ë yepiɔ̈u. Litiir kadiäk de miök de olip, abï keek aa gam në biäk töŋ de lönh ë rap.

Lebai 1:14

Na ye miɔ̈cdɛn gëm Bɛ̈nydït, ke ye miɔ̈c ye nyop ëbɛ̈n, na ee dit, abï aa guuk ku nɔn ee ajiël ke guuk.

Lebai 12:8

Ku na cïï thɔ̈k bï lëu, ke aduëër guök kaarou bɛ̈ɛ̈i, ku nɔn yen ajiël ke guuk kaarou. Tök abï aa këde miɔ̈c ye nyop ëbɛ̈n, ku tök abï aa këde miɔ̈c de kërac. Ku bɛ̈ny de kake Nhialic abï tik jɔ teem guöp, ku abï guöp jɔ piath.

Lebai 14:10

Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök.

Lebai 14:22

Ku guök kaarou, ku nɔn yen ajiël ke guuk kaarou, cït man ë këdɛn bïï lëu. Kënë abï aa miɔ̈c de kërac, ku ye däŋë miɔ̈c ye nyop ëbɛ̈n.

Lebai 27:8

Ku na ye raan ë kuëëŋë raan kuany nyin aläl, ku cïn luɔi yök en kuën cï lueel, abï raan yiɛ̈n bɛ̈ny de kake Nhialic, ku abï kuën jɔ looi, kuën bï ë raanë kuëëŋ lëu në yök.

Lebai 5:11

Ku na cïï raan guök kaarou ku nɔn yen ajiël ke guuk kaarou bï lëu, raan aduëër kilɔ töŋ de aɣaar bɛ̈ɛ̈i, ke ye miɔ̈c de kërac. Acïn miök de olip bïï tääu thïn, ayï wal ŋïr acïï bïï tääu thïn. Në baŋ ee yen miɔ̈c de awɛ̈ɛ̈c acie miɔ̈c ë rap.

Lebai 5:7

Ku na cïï raan nyɔɔŋ amääl ku nɔn ee bou bï lëu, ke yen abï guök kaarou, ku nɔn yen ajiël ke guuk kaarou yiɛ̈n Bɛ̈nydït ke ye miɔ̈c de awäc, në biäk de kërɛɛcdɛn cï looi, tök ee miɔ̈c de kërac, ku ye däŋë miɔ̈c ye nyop ëbɛ̈n.

Luk 6:20

Na wën, ke jɔ kɔckɛn ë piööcë leec, ku lueel an, “Thieithieei wek kɔc kuanynyïïn, ciɛɛŋ de Nhialic ee këdun!

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

1 Tham 2:8

Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.