Lebai 13:6 - JAM DE NHIALIC 2011

⁶ Ku në nïn ye kek dhorou bɛ̈ny de kake Nhialic abï raan bɛ nyɔk ë tïŋ, ku na cï tëtök jäl ku kën thiëi ë guöpic ëbɛ̈n, ka abï bɛ̈ny de kake Nhialic caal an raan acï guöp waar, ee tëtök tei. Ku raan abï lupɔɔke waak, ku abï guöp jɔ bɛ piath.

Lebai 13:6 ပူးပေါင်းရင်းမြစ်များ

1 Mel 8:38

Ke Yï jɔ lɔ̈ŋden piŋ. Të de yen raan töŋ de kɔc ke Yithriɛl cï piɔ̈u dhiau në riäŋ cï ke yök, ku puk rɔt Yïn ke tɛ̈ɛ̈r e cin ë Luaŋdïïtë në lɔ̈ŋ.

1 Mel 8:45

ke Yï jɔ lɔ̈ŋden piŋ. Piŋ lɔ̈ŋden paannhial, ku gämë ke tiëm.

Diɛt 19:12

Acïn raan aa awänyde tïŋ, Kony ɛn Bɛ̈nydït, në awäny cä looi ke kuöc!

Kɛ̈ŋ 20:9

Eeŋa duëër e lueel an, yɛn cï a piɔ̈u tɔ piɛth, yɛn lɔ wai acïn kërɛɛc nu ë yeguöp?

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Yith 42:3

Acïï agun cï rɔt tiɔ̈ɔ̈t bï dhoŋ kɔ̈u ku nɔn liiu en many de alanh dɛ̈p ëmääth. Abï yic bï tɔ̈u athɛɛr yiɛ̈n kɔc apiɛth.

Lebai 11:25

Ku raan lɔ kɔ̈m cï thou kuany, abï lupɔɔke dhil waak, ku abï guöp rac aɣët cï thëën.

Lebai 11:28

Ku raan lɔ lɛ̈n cï thou kuany në ee läikë yiic, abï lupɔɔke dhil waak, ku abï guöp rac aɣët cï thëën, ke ee läikë acïkï piɛth tëde week.

Lebai 11:40

Ku raan lɔ rïŋ de lɛ̈n cï thouwë cuet, abï lupɔɔke dhil waak, ku acïï guöp bï piath aɣët cï thëën. Ku raan lɔ guöp de lɛ̈n cï thou kuany, abï lupɔɔke dhil waak, ku acïï guöp bï piath aɣët cï thëën.

Lebai 13:2

“Të de yen raan de guöp të cï but ku nɔn ye të cï piɔ̈ɔ̈ny, ku nɔn cï guöp toŋ. Ku ye toŋ bï rɔt tɔ ye wɛth. Raan abï dhil yiɛ̈n Aron bɛ̈ny de kake Nhialic, ku nɔn ee raan tök në wɛ̈ɛ̈t ke Aron yiic, bäny ke kake Nhialic.

Lebai 13:5

Ku në nïn ye kek dhorou, bɛ̈ny de kake Nhialic abï raan dhil bɛ lɔ gɔɔk guöp, ku na le tëtök tïŋ ke kën waar, ku kën lɔ në guöpic ëbɛ̈n, abï bɛ̈ny de kake Nhialic ŋoot ke tɔ raan mëëc kekë kɔc në nïn kadhorou kɔ̈k.

Lebai 13:7

Ku na cï toŋ bɛ thiäi, ke cïï bɛ̈ny de kake Nhialic tɔ ee raan cï guöp piath, raan abï rɔt dhil bɛ dak bɛ̈ny de kake Nhialic.

Lebai 14:8

Ku raan tɔ waar guöp, abï lupɔɔke dhil waak, ku muut ë nɔm ëbɛ̈n, ku wɛɛk në pïïu, ku ëtɛ̈ɛ̈n, abï guöp jɔ piath, ku jɔ lɔ wutic, cakaa nɔn bï yen rëër në paany de kɔ̈u në nïn kadhorou.

Romai 14:1

Raan dɛk ë gäm, ke damkï, ku duökï wël ë tɛɛr në yen.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Nyöŋ 32:5

Ku wek cie kɔc adööt, ku wek cïï rɔ̈ŋ në luɔi duëër wek aa kɔcke, kɔc ee karɛc looi ku yek jur ruëëny.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.