Lebai 13:45 - JAM DE NHIALIC 2011

⁴⁵ Na de raan guöp wɛth, wɛnh wën ee thiäi, abï kɔc kɔ̈k dhil aa lɛ̈k në kiiu ee yen kïïu, an, “Acuɔl, acuɔl!’ Ku abï lupɔɔ cï yiic rɛt aa cieŋ, ku acïï yenɔm bï aa theer, ku abï yethok dhil aa kum.

Lebai 13:45 ပူးပေါင်းရင်းမြစ်များ

Cäk 37:29

Na wën, apuk Ruben enɔm, ku yök Jothep ke liu në yithic, ke diu piɔ̈u ku ret lupɔɔke yiic.

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

2 Mel 7:3

Në ë aköölkë yiic, ade kɔc kaŋuan cïï wɛth dɔm ë ye rëër ë kal ë Thamaria thok biic, acïk lɛ̈k röt an, “Eeŋö rëër wok ee tënë agut të bïï wok thou?

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 51:3

Në baŋ ye awɛ̈ɛ̈ckï, ku karɛckï ya wat aköölnyïïn.

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Dhiëëu 4:15

Ayek kɔc ke yöök, an, “Lak tɛ̈n, yïn cï dhiöök! Du ya jak! Ku jɔkï cath ë paarpaar, acï ke lɛɛr ë juöör yiic, ke cïn raan loor keek.

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Edhekiɛl 24:22

Ku ëtɛ̈ɛ̈n wek bï kë cä looi looi. Wek cïï wenïïm bï kum ku cäkï cäm në këcam ye kɔc dhiau cam.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Lebai 10:6

Na wën ke Mothe ë yɔ̈ɔ̈k Aron kekë wɛ̈ɛ̈tke kaarou, yï Eleyadhar kekë Yithamar, an, “Duökï dhiëndun nyooth në rɛ̈t rɛt wek lupɔɔkun yiic, ku në luɔi cä wek wenïïm bï keet, na lak looi aya, we bï thou, ku Bɛ̈nydït abï gɔ̈th bɛ̈ɛ̈i në akutnɔm guöp ëbɛ̈n. Ku baai de Yithriɛl ëbɛ̈n, ayï kɔc raan në week aduëërkï dhiau aläl në biäk cïï Bɛ̈nydït Nadap kekë Abiɣu nɔ̈k në mac.

Lebai 13:44

Yen ee raanë ade guöp wɛth, yen ade guöp acuɔl, abïï bɛ̈ny de kake Nhialic caal an raan ade guöp wɛth, në baŋ tɔ̈u ë buɔ̈tde ë yenɔm.

Lebai 21:10

“Ku bɛ̈nydïït ë kake Nhialic, raan cï tɔc nɔm në miök de tɔc, ku ee raan cï ruök bïï lupɔ de bɛ̈ny de kake Nhialic cieŋ, acïï yenɔm bï aa pɔ̈l ke cïï keet. Ku acïï lupɔɔke bï aa rɛt yiic nyooth en dhiëëu.

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Kuɛ̈n 5:2

“Yɔ̈ɔ̈kë kɔc ke Yithriɛl ë ke bïï kɔc cïï gup piɛth bei wut, kɔc de gup wɛth kedhie, ayï kɔc ee gup wat, ayï kɔc cï röt raac në jäŋ de guöp cï thou.

Luk 17:12

Ku të cï en ɣet paan tök, ke jɔ rɔ̈m ke röör kathiëër, röör de gup wɛth, ke ke kääc tëmec:

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”