Lebai 11:25 - JAM DE NHIALIC 2011

²⁵ Ku raan lɔ kɔ̈m cï thou kuany, abï lupɔɔke dhil waak, ku abï guöp rac aɣët cï thëën.

Lebai 11:25 ပူးပေါင်းရင်းမြစ်များ

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Bɛ̈n 19:14

Na wën, ke Mothe jɔ bɛ̈n piny ë kuur nɔm, ku lëk kɔc an, “Guiɛɛrkï röt.” Agokï lupɔɔken waak.

Lebai 11:24

Kek ee kämkë abïk week tɔ rac. Ku raan lɔ kɔ̈m cï thou jak në ee kämkë yiic, abï guöp rac aɣët cï thëën.

Lebai 11:26

Läi kɔ̈k adekï kär tɛkiic, ku kärken akënkï keyiic tek taitai, ku läi kɔ̈k acïkï wal ee bɛɛr, keek arackï tëde week. Ku raan lɔ lɛ̈n cï thou në ee läikë yiic jak, abï guöp rac.

Lebai 11:28

Ku raan lɔ lɛ̈n cï thou kuany në ee läikë yiic, abï lupɔɔke dhil waak, ku abï guöp rac aɣët cï thëën, ke ee läikë acïkï piɛth tëde week.

Lebai 11:40

Ku raan lɔ rïŋ de lɛ̈n cï thouwë cuet, abï lupɔɔke dhil waak, ku acïï guöp bï piath aɣët cï thëën. Ku raan lɔ guöp de lɛ̈n cï thou kuany, abï lupɔɔke dhil waak, ku acïï guöp bï piath aɣët cï thëën.

Lebai 13:6

Ku në nïn ye kek dhorou bɛ̈ny de kake Nhialic abï raan bɛ nyɔk ë tïŋ, ku na cï tëtök jäl ku kën thiëi ë guöpic ëbɛ̈n, ka abï bɛ̈ny de kake Nhialic caal an raan acï guöp waar, ee tëtök tei. Ku raan abï lupɔɔke waak, ku abï guöp jɔ bɛ piath.

Lebai 14:46

Raan lɔ ɣöt ke ɣöt ë thiɔ̈ɔ̈k, abï guöp dɛ acuɔl agut cï thëën.

Lebai 14:47

Raan lɔ niin ɣööt, ayï raan lɔ cam ɣöt, abï lupɔɔke dhil waak.

Lebai 14:8

Ku raan tɔ waar guöp, abï lupɔɔke dhil waak, ku muut ë nɔm ëbɛ̈n, ku wɛɛk në pïïu, ku ëtɛ̈ɛ̈n, abï guöp jɔ piath, ku jɔ lɔ wutic, cakaa nɔn bï yen rëër në paany de kɔ̈u në nïn kadhorou.

Lebai 15:13

Na cï raan guöp waar në kuëër nu në yeguöp, abï nin kadhorou dhil kuɛɛn wei, të cï yen guöp waar, abï lupɔɔke dhil waak, ku wɛɛk rɔt në pïïu piɛth, ku abï guöp jɔ piath.

Lebai 15:15

Abïï bɛ̈ny de kake Nhialic keek nɔ̈k, tök abï aa këde miɔ̈c de kërac ku ye däŋë këde miɔ̈c ye nyop ëbɛ̈n. Ku abï bɛ̈ny de kake Nhialic jɔ teem guöp, në biäk de kë kuëër ë yeguöp.

Lebai 15:5

Ku raan lɔ agende jak, raanë abï lupɔɔke dhil waak, ku wɛɛk rɔt në pïïu, ku abï guöp rac aɣët cï thëën.

Lebai 16:26

Ku raan wën kuɛɛth nyɔk ë jɔ̈ɔ̈ric, nyɔɔŋ de Adhadhel, abï lupɔɔke dhil waak, ku wɛɛk rɔt në pïïu, ku jɔ bɛ̈n wutic.

Lebai 16:28

Ku raan ë nyop keek, abï lupɔɔke dhil waak, ku wɛɛk rɔt në pïïu, ku ëtɛ̈ɛ̈n abï jɔ bɛ̈n wutic.

Lebai 17:15

Ku raan de Yithriɛl ëbɛ̈n, ayï raan lei ëbɛ̈n, raan lɔ cam në rïŋ de lɛ̈n cï thou, ku nɔn ee lɛ̈n cïï lɛ̈n roor nɔ̈k, abï lupɔɔke dhil waak ku wɛɛk rɔt në pïïu, abï rac agut cï thëën, të ŋoot en kë kën guöp waar.

Lebai 22:6

Raan lɔ këde guöp acuɔl jak, abï guöp dɛ acuɔl aɣet thëën. Acïï miɔ̈c ɣeric de Bɛ̈nydït bï cam, aɣet të bï en kɔn waak në pïïu.

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Kuɛ̈n 19:10

Ku raan ë jok ŋeth abï lupɔɔke waak, ku abï tɔ̈u ke cïï guöp ɣer agut cï thëën. Kek ee lööŋkë abïk tɔ̈u ananden, ke ke ye lööŋ ke Yithriɛl, ku yek lööŋ ke kɔclɛn rɛɛr në keek.

Kuɛ̈n 19:19

Raan ɣeric abï raan de guöp acuɔl yuöör pïïu në kööl ë diäk, ku kööl ë dhorou. Ku në kööl ë dhorou abïï keek tɔ ɣeriic. Abïk lupɔɔken waak, ku yuur keek pïïu, ku abïk gup piɛth thëën të le akɔ̈l piny.

Kuɛ̈n 19:7

Ku ëtɛ̈ɛ̈n, abï lupɔɔke waak, ku wɛɛk ë pïïu ku jɔ bɛ̈n lɔ wut. Ku abï rëër ke de guöp acuɔl agut cï thëën.

Kuɛ̈n 19:8

Ku raan wën ë ɣɔɔk weŋ abï lupɔɔke waak ayadäŋ, ku wɛ̈l e guöp pïïu. Ku abï rëër ke cïï guöp ɣer agut cï thëën.

Kuɛ̈n 31:24

Në akööl ë dhorou wek bï lupɔɔkun dhil waak, ku nyaaikï cuɔl ku jakï bɛ̈n lɔ wut.

Jɔn 13:8

Go Petero lueel an, “Yïn cïï abï waak cök anandu!” Go Yecu bɛ̈ɛ̈r an, “Të cän yïn wak, ka cïn këduön nu ë këdï yic.”

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.