Lebai 10:19 - JAM DE NHIALIC 2011

¹⁹ Go Aron bɛ̈ɛ̈r an, “Köölë acïk miɔ̈cdɛn de kërac kekë miɔ̈c ye nyop ëbɛ̈n gam në Bɛ̈nydït nɔm, ku kë cït ee kënë acï tïc tëde yɛn, duëër Bɛ̈nydït piɔ̈u miɛt kekë yɛn na ë ya cï cam në miɔ̈c de këracic ee köölë?”

Lebai 10:19 ပူးပေါင်းရင်းမြစ်များ

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Ɣodh 9:4

Acïkï miɔ̈c de mɔ̈u bï bɛ aa gäm Bɛ̈nydït. Ku nɔn gɛmkï miɔ̈cdɛn ye nyop ëbɛ̈n acïï Bɛ̈nydït bï bɛ aa miët piɔ̈u. Miɔ̈cdɛn yek gamë, abï ciët këcam de dhiëëu. Ku raan ëbɛ̈n raan lɔ yen cam, abï ye tɔ rac guöp. Abïk këcamden aa cam në biäk de cɔŋden yetök. Acïkï bï aa bɛ̈ɛ̈i Luaŋdït ke ye miɔ̈c.

Lebai 10:20

Na wën piŋ Mothe ë jamë, go piɔ̈u kuɛth.

Lebai 9:12

Na wën ke miɔ̈c ye nyop ëbɛ̈n, ago wɛ̈ɛ̈tke gäm riɛm, go riɛm wiɛ̈ɛ̈th në aguuk ke yïk kedhie.

Lebai 9:8

Go Aron bɛ̈n ë yïk nɔm, ku teem miɔɔr röl, ke ee miɔ̈c de kërac në biäkde.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Malakai 1:13

Ku ayak lueel an, ‘Wok ë jɔ bäp në ee kakë kedhie!’ Ku wɛ̈lkï wekɔ̈ɔ̈th Ɛn. Kaarkï bä ɣɔ̈kkun gam, ɣɔ̈k ë rum, ku thök ŋöl, ku thök de gup jɔɔk yak yiɛ̈n Ɛn ke ke ye miɔ̈c, yak tak bä ke gam tëde week? Kë lueel ë Bɛ̈nydït de rɛm ka.

Malakai 2:13

Ku däŋ yak looi kï: wek ee yïïŋ ë Bɛ̈nydït mool nɔm në pïïu ke wenyïïn. Ku wek ee röt näk piny në dhiëëu ku kiɛɛu, në baŋ cïï Bɛ̈nydït miɔ̈cdun ee bɛ gam në miɛtëpiɔ̈u, ku cïnic këde thïn kekë miɔ̈cduön yak gam.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 26:14

Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Ɣeberuu 7:27

Acïï köör në ka tueŋ wään ye bäny ke kake Nhialic looi, ayï ka wään ye cool ë nɛ̈kë ke, në këde karɛc ke yenhde ku kakë karɛc ke kɔc, acï rɔt gam raantök, näk në biäk de karɛc ke kɔc.

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.