Lebai 10:14 - JAM DE NHIALIC 2011

¹⁴ Ku yïn aya wekë wɛ̈ɛ̈tku ku duetku, wek duëër cam në thïn ku ɣäm de miɔ̈c de mät cï gäm Bɛ̈nydït. Abä keek dhil cam të lɔgɔk, ayek biäkdu në miɔ̈c de mätic, miɔ̈c cï kɔc ke Yithriɛl gam.

Lebai 10:14 ပူးပေါင်းရင်းမြစ်များ

Bɛ̈n 29:33

Abïk kakë aa cam në luɔi ye kek kak ë looiyë atɛɛm, bïï ë keek tɔ ye bäny ke kake Nhialic, ku ee keek kapäc kek abï këcamë aa cam në baŋ yen këcam ɣeric.

Edhekiɛl 42:13

Go raan lɛ̈k ɛn an, “Ku ɣööt kaarou ɣeer yiic nu ë baŋ lɔ rut ku baŋ lɔ wöuwic, ee të ye bäny ke kake Nhialic miɔ̈c ɣeriic lɔ cam thïn ë Bɛ̈nydït nɔm. Ku në biäk ɣeer ë ɣööt yiic bäny ke kake Nhialic ayek miɔ̈c ɣer yiic aläl tɔ̈ɔ̈u ëtɛ̈ɛ̈n: miɔ̈c ë rap, ku miɔ̈c de kërac ku miɔ̈c de awäc de tëɣeric.

Lebai 10:13

Cam tëɣeric ee biäk bï aa këdu wekë wɛ̈ɛ̈tku, ku në kuïn ee gäm Bɛ̈nydït yic, yen kë cï Bɛ̈nydït lëk ɛn ka.

Lebai 22:13

Ku na cï nyan de bɛ̈ny de kake Nhialic aa tiiŋ abaar, ku nɔn cï puɔ̈l, ku acïn nɔm mïth, ku le rɛ̈ɛ̈r paanden cït man wään ee yen duet, aduëër dhil cam në këcam ë wunic. Raan alei acïï bï dhil cam në ye.

Lebai 9:21

Go Aron thin nyuɔɔth kekë ɣäm cuëc në Bɛ̈nydït nɔm ke ee miɔ̈c de anyuɔɔk, cït man cïï Mothe yɔ̈ɔ̈k.

Kuɛ̈n 18:11

Ku na de miɔ̈c däŋ pei, miɔ̈c cïï kɔc ke Yithriɛl gäm Ɛn ka ye këdun ayadäŋ. Acä ke gäm yïn wekë Wɛ̈ɛ̈tku, ku duetku anande. Ku raan de baaidu ëbɛ̈n, raan ɣer guöp, aduëër cam në yen.

Kuɛ̈n 5:9

Ku miɔ̈c ku kaɣeriic ye kɔc ke Yithriɛl gäm Bɛ̈nydït ëbɛ̈n, ee këde bɛ̈ny de kake Nhialic.

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.