Kuɛ̈n 9:22 - JAM DE NHIALIC 2011

²² Të cïï luät nïn aa rou ke rɛ̈ɛ̈r ë paany nɔm ee të töŋë, ku nɔn yen pɛɛi, ku nɔn yen ruöön, ku nɔn wɛ̈ɛ̈r ruöön, ke kɔc ayek rëër ë të töŋë ke ke cïï jël të kën ë luät jäl. Na cï luät jäl ke ke jël ayadäŋ.

Kuɛ̈n 9:22 ပူးပေါင်းရင်းမြစ်များ

Diɛt 107:7

Acï keek tɔ kuany kueer lɔ cit yic lekï ë pänydït bïï kek lɔ rëër thïn.

Diɛt 143:10

Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

Diɛt 32:8

Acï Bɛ̈nydït lueel an, “Yïn bä wɛ̈ɛ̈t ku nyuöth yïn kueer bïï yïn lɔ thïn, yïn bä wat ku tiɛɛt yïn në kë bï yïn yök.

Diɛt 48:14

“Nhialicë ee Nhialinyda aɣet athɛɛr, abï wo wat në nïn bɔ̈ tueŋë yiic kedhie.”

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Bɛ̈n 39:42

Go kɔc ke Yithriɛl luɔi looi ëbɛ̈n, cït man cïï Bɛ̈nydït e lɛ̈k Mothe.

Bɛ̈n 40:16

Go Mothe käŋ looi kedhie cït man cïï Bɛ̈nydït e lɛ̈k en.

Kuɛ̈n 1:54

Go kɔc ke Yithriɛl këriëëc cïï Bɛ̈nydït lɛ̈k Mothe looi ëbɛ̈n.

Kuɛ̈n 8:20

Ago Mothe kekë Aron, ku akutnɔm de kɔc ke Yithriɛl kedhie Lebai gäm Bɛ̈nydït cït man cïï Bɛ̈nydït ye lɛ̈k Mothe.

Kuɛ̈n 9:17

Të cï luät jäl në paany nɔm, ke kɔc ke Yithriɛl ë ke däk pɛɛnyken ku kuëthkï kuanykï luät cök. Na ëlë, ke ke lɔ piɔ̈ɔ̈t të cïï luät lɔ kɔ̈ɔ̈c thïn.

Kuɛ̈n 9:21

Në akööl kɔ̈k, luät aaye rëër në wɛ̈ɛ̈r tök ku jël, go kɔc aa niin ku kuëthkï të cïï luät jäl. Të cïï luät rɔt jɔt, ke kɔc ë ke jäl në luät.

Luɔi 1:4

Na wën, aa cïk guëër, ke ke yöök an, “Duökï jël ë Jeruthalem, tiɛtkï kë cïï wäär lueel an, bï gäm week, kë cäk piŋ tëde yɛn.