Kuɛ̈n 9:16 - JAM DE NHIALIC 2011

¹⁶ Ku ë rɔt bɛ̈n cuuth aya në aköölkë yiic kedhie ke ye luät paat piny aköl, na wakɔ̈u ke riau cït man ë mac.

Kuɛ̈n 9:16 ပူးပေါင်းရင်းမြစ်များ

Neɣe 9:12

Aye ke wat aköl në mën de luät, ku Ye kueerden meeric wäkɔ̈u ë mën de mac.

Neɣe 9:19

Ku akɛ̈n ë ke bɛ̈n päl wei ë jɔ̈ɔ̈ric ëtɛ̈ɛ̈n, në biäk dïït ë kok de piɔ̈ndu, ku Yïn kën mën de luät nyaai ayï mën de many ɣɔn ee keek nyuöth kueer aköl ku wakɔ̈u.

Diɛt 105:39

Nhialic ë luät tääu ë kenïïm, ku tɔ mac tɔ dɛ̈p wakɔ̈u bï keek meer.

Diɛt 78:14

Të ye piny aköl aye keek caath në luät, ku në wɛ̈ɛ̈riic ëbɛ̈n aye keek caath në ɣɛɛr de mac.

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Bɛ̈n 40:38

Ku baai de Yithriɛl aaye luät woi në Paany nɔm aköl, ku tïŋkï mac adɛ̈p në yenɔm wakɔ̈u në aköölkɛn wään ciɛth kek roor kedhie.

1 Kor 10:1

Ku ënɔɔnë, mïthëkɔckuɔ, yɛn kɔɔr luɔi bä wek cöökë ŋic an, Kuarkuɔ aake nu ë luät thar kedhie, ku acïk abäpdit teem kedhie.

2 Kor 5:19

Luɔi ë nu Nhialic ë Kërtho yic, ee piny nɔm tɔ mät në yen, ku luɔi cïï en ka cïï kɔc wööc ee mac ë keyiëth, ago jam de mät tääu ë wocin.

Nyöŋ 1:33

Raan wään tɔ̈u ë wenïïm tueŋ ë cäthdunic, ee week meer nïïm në mac wakɔ̈u, na akɔ̈l ke kum wenïïm në luät, ku aaye piny bä wek ɣap thïn kɔɔr ku ye week nyuöth kueer bä we tëëk thïn.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden: