Kuɛ̈n 9:13 - JAM DE NHIALIC 2011

¹³ Ku na de raan jai ke cïï winythok loi ke cïn këdɛn cï ye raac guöp, ku nu ke ken keny, ke cïï be ye kuɛɛn në kɔckï yiic, në luɔi kën en ya gäm miɔ̈c në kööl cï mäc en. Ku abï ariöp de kërɛɛc dhil guum.

Kuɛ̈n 9:13 ပူးပေါင်းရင်းမြစ်များ

Cäk 17:14

Ku mony kënë cueel acï bï ya raan de kɔckï yiic, në luɔi kën en mändï döt.”

Bɛ̈n 12:15

Wek bï kuïïn cï pam cïnic luɔu aa cam në nïn kadhorou. Kööl tueŋ, ke we kɔn kë ye kuïïn cï pam tɔ mäth nyaai në bɛ̈ikuniic. Na lɔ raan kuïn cï pam mäth cam në ee nïnkë yiic kadhorou, ka bï tɛɛm wei në kɔc ke Yithriɛliic.

Bɛ̈n 12:19

Ë cïn kë ye kuïn cï pam tɔ mäth bï nu në bɛ̈ikuniic në ee nïnkë yiic kadhorou, ke cïn raan bï kuïn mäth cam. Na lɔ raan kuïn cï pam cï mäth cam në ee nïnkë yiic, nɔn yen raan lei, ku nɔn ee yen raan ë Yithriɛl, abï tɛɛm wei në akutnɔm de Yithriɛl yiic.

Bɛ̈n 12:47

Akutnɔm de Yithriɛl kedhie, ë ke ye dhuëëŋë döt.

Bɛ̈n 30:33

Ku raan ëbɛ̈n, raan lɔ miök cït ee miökë looi, ku le yen tɔc ke cie bɛ̈ny de kake Nhialic. Yen ee raanë abï tɛɛm wei në kɔckï yiic.”

Bɛ̈n 30:38

Të le raan aŋiëër cït en luöi rɔt, yen rɔt yoor, abï tɛɛm wei në kɔckï yiic.”

Edhekiɛl 23:49

Ku wek duet ke raan tök waarou, wek bä luöi këtuc në biäk de karɛc yak looi ku awänyduön de läm de yiëth. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.”

Lebai 17:10

Raan baai de Yithriɛl ëbɛ̈n ayï alei bï rɛ̈ɛ̈r në keyiic, ku ee riɛm cam, Yɛn bï Yanyin wɛ̈l ee raanë, ku abä tɛ̈ɛ̈m bei në kɔckï yiic

Lebai 20:20

Na cï raan tiiŋ wun nööm acï wuulënë yɔ̈ɔ̈r guöp, abï kërɛɛcden dhil guum, abïk thou ke ke ye thum.

Lebai 22:9

“Bäny ke kake Nhialic abïk wëëtdï dhil döt, ke cïï bïï aa kërac në kegup, ke ke cïï bï thou, të lan keek jääm në agɔ̈th. Ee Yɛn Bɛ̈nydït, Raan ë tɔ keek ɣer.

Lebai 24:15

Ku yöökë kɔc ke Yithriɛl an raan ëbɛ̈n raan lɔ Nhialic lɔ lät aciɛɛn, acï kërac looi.

Kuɛ̈n 19:13

Raan ëbɛ̈n, raan cï guöp de raan cï thou jak, ku rëër ke cïï waak, abï rëër ke cïï yic ɣer. Në baŋ kënë ye wäl guöp pïïu ka aɣɛɛr. Abï paany de Bɛ̈nydït riɔ̈ɔ̈k, ku acï bï bɛ kuɛɛn në kɔc ke Bɛ̈nydït yiic.

Kuɛ̈n 19:20

Ku raan de guöp acuɔl na kën waak, ka abï rëër ke cïï yic ɣer, në baŋ kënë ë pïïu ka aɣɛɛr wäl në yeguöp. Abï tëɣeric de Bɛ̈nydït riɔ̈ɔ̈k, ku acïï bï bɛ kuɛɛn në amatnɔm de Bɛ̈nydït yic.

Kuɛ̈n 5:31

Moc abï guöp ciɛ̈n gääk, ku tik na cï wäc ka abï këtucde guum.

Kuɛ̈n 9:7

“Wok cï gup rac në biäk cïï wok raan cï thou jak. Ku eeŋö duëërë wook pɛ̈n miɔ̈c miɔɔc wok Bɛ̈nydït në kɔc ke Yithriɛl ëtök, në kööldɛn cï lɔc?”

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Ɣeberuu 6:6

Kɔckë të cï kek dɔk ciëën në gämic, arilic bïk ke bɛ puk piɔ̈ɔ̈th, ku dɔ̈kden ciëën acït ka cï Wën de Nhialic bɛ nyɔk ë piëët, ku tɔkï yäär guöp ë kɔc nïïm.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.