Kuɛ̈n 8:21 - JAM DE NHIALIC 2011

²¹ Go Lebai kegup bɛ̈n waak në baŋ de kërac, ku wakkï lupɔɔken, go Aron ke gäm Bɛ̈nydït ke ye miɔ̈c de anyuɔɔk. Ku teem Aron kegup.

Kuɛ̈n 8:21 ပူးပေါင်းရင်းမြစ်များ

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Lebai 14:11

Ku bɛ̈ny de kake Nhialic ë cɛɛl en, nɔn cï yen guöp waar, abï yen jɔ lɛɛr ë Bɛ̈nydït nɔm kekë miɔ̈cde në paany de mät thok.

Kuɛ̈n 19:12

Ku abï yeyic tɔ ɣer në wɛ̈k wɛɛk en në pïïu ee kɔc tɔ ɣer në kööl de diäk, ku kööl de dhorou, ku abï yic jɔ ɣɛɛr. Ku na cïï rɔt lɔ waak në kööl ë diäk ku kööl ë dhorou, ka acïï guöp piɛth.

Kuɛ̈n 19:19

Raan ɣeric abï raan de guöp acuɔl yuöör pïïu në kööl ë diäk, ku kööl ë dhorou. Ku në kööl ë dhorou abïï keek tɔ ɣeriic. Abïk lupɔɔken waak, ku yuur keek pïïu, ku abïk gup piɛth thëën të le akɔ̈l piny.

Kuɛ̈n 3:12

“Lebai kedhie ayek kakï. Acä keek nööm ɣɔn tëde Yithriɛl në nyin de kɛ̈i de Yithriɛl ëbɛ̈n. Ka kɛ̈i ke Yithriɛl kedhie ayek kakï. Të ɣɔn näk Ɛn kɛ̈i ke Rip kedhie, yen aa nɔ̈ɔ̈m Ɛn kɛ̈i ke Yithriɛl kedhie, nɔn ee yen kɛ̈i de raan, ku nɔn ee yen kɛ̈i de läi. Ka ayek kakï yɛn Bɛ̈nydït.

Kuɛ̈n 8:15

Ku të cï yïn Lebai jɔ waak, ku cï keek gam ke ke ye miɔ̈c de anyuɔɔk, abïk jɔ röŋ në luɔi de paany de mät.

Kuɛ̈n 8:20

Ago Mothe kekë Aron, ku akutnɔm de kɔc ke Yithriɛl kedhie Lebai gäm Bɛ̈nydït cït man cïï Bɛ̈nydït ye lɛ̈k Mothe.

Kuɛ̈n 8:22

Na wën, acï këriëëc ëbɛ̈n thök në luɔi, këriëëc cïï Bɛ̈nydït lɛ̈k Mothe në biäk de Lebai, ke Lebai ë ke jɔ luɔiden gɔl në paany de mätic, kë nu Aron kekë wɛ̈ɛ̈tke në kenïïm

Kuɛ̈n 8:7

Ku wɛ̈k bï yïn ke waak kï: Yor kegup në pïïu ke ɣɛɛr, ku tɔ ke mut kegup ëbɛ̈n në rëët, ku ë ke wak lupɔɔken ku wakkï kegup.