Kuɛ̈n 6:20 - JAM DE NHIALIC 2011

²⁰ Ku ëtɛ̈ɛ̈n, abï bɛ̈ny de kake Nhialic keek jɔ nyuɔɔth ë Bɛ̈nydït nɔm ke ye miɔ̈c de anyuɔɔk, në biäk ye kek miɔ̈c ɣeric de bɛ̈ny de kake Nhialic, mɛ̈tkï në thin, ku ɣöi wën cï gam. Ku ëtɛ̈ɛ̈n, ayul aduëër jɔ dek në mɔ̈u.

Kuɛ̈n 6:20 ပူးပေါင်းရင်းမြစ်များ

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Lebai 10:15

Kɔc abïk kɔɔl ke läiken dhil aa bɛ̈ɛ̈i, në biäk de miɔ̈c ë cï looi në mac. Ku abï nyuɔɔth ë Bɛ̈nydït nɔm kekë thin ku cök ke ye miɔ̈c de anyuɔɔk, ku abïk aa biäkdun wekë wɛ̈ɛ̈tku aɣet athɛɛr. Cït man cï Bɛ̈nydït ye lueel.”

Lebai 23:11

Ku bɛ̈ny de kake Nhialic abï dut gam në Bɛ̈nydït nɔm, ago Bɛ̈nydït yïn jɔ gam, ku bɛ̈ny de kake Nhialic abï dut gam në kööl lɔ ë Thabath cök.

Lebai 7:30

Ku yen guöpde abï miɔ̈cdɛn cï gam looi në mac yiɛ̈n Bɛ̈nydït. Ku abï kɔɔl bɛ̈ɛ̈i bei mɛtke ëtök në ka nu thïn, ku nyooth në Bɛ̈nydït nɔm ke ye miɔ̈c de anyuɔɔk.

Lebai 7:31

Ku bɛ̈ny de kake Nhialic, abï kɔl nyop në yïk nɔm, ku thin ee kake Aron kekë wɛ̈ɛ̈tke.

Lebai 7:32

Ku abï ɣäm cuëny de miɔ̈c de mät gäm bɛ̈ny de kake Nhialic ke ye miɔ̈c.

Lebai 7:34

Në miɔ̈c de män ë Yithriɛlic. Yɛn cï thin wään cï nyuɔɔth kekë ɣäm wään cï gam, nööm ku gam keek Aron, bɛ̈ny de kake Nhialic kekë wɛ̈ɛ̈tke, ke ye miɔ̈cdɛn de aköölnyïïn tëde Yithriɛl.

Lebai 9:21

Go Aron thin nyuɔɔth kekë ɣäm cuëc në Bɛ̈nydït nɔm ke ee miɔ̈c de anyuɔɔk, cït man cïï Mothe yɔ̈ɔ̈k.

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Kuɛ̈n 18:18

Ku rïïŋden ee këdun cït man ye aguöt nɔm këdun kekë ɣäm cuëc.

Kuɛ̈n 5:25

ke nöm miɔ̈c ë rap në tik cin, ku yɔɔk nhial gëm Bɛ̈nydït, ku tɛ̈ɛ̈u në yïk nɔm.

Kuɛ̈n 6:21

Yen löŋ ayul cï kuëëŋ ka. Miɔ̈cdɛn miɔɔc en Bɛ̈nydït abï ya gam cït miɔ̈c de yuul. Ku na cï piɔ̈u dɛ luɔi ŋuɛk en en, ke ŋuɛk cït kë cï tak cït man ë löŋ de yuul.

Math 26:29

Wek yɔ̈ɔ̈k ëyic, Yɛn cïï bï bɛ dek në mïth ke enapkë, aɣët të bï akööl bɛ̈n, akööl bän dëŋde bɛ gɔl wokë week ëtök ë ciɛɛŋ de wääric.”

Mak 14:25

Wek yɔ̈ɔ̈k ëyic an, Yɛn cïï bï bɛ dek në mïth ke enap, të ŋoot ë kööl wadäŋ kööl bän bɛ dek ë ye ë ciɛɛŋ de Nhialic yic.”

Jɔn 19:30

Na wën, aacï Yecu mɔ̈n cï wac nööm, ke jɔ lueel an, “Ë jɔ thök!” Go enɔm guöt piny, ku jɔ thöök.