Kuɛ̈n 4:15 - JAM DE NHIALIC 2011

¹⁵ Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Kuɛ̈n 4:15 ပူးပေါင်းရင်းမြစ်များ

2 Tham 15:24

Dhadok kekë kɔc ke Lebi kedhie aɣɛ̈ɛ̈ckï athänduŋ de män ë Nhialic ëtök. Na wën ke ke tɛ̈ɛ̈u athänduŋ de Nhialic piny, ku jɔ Abiathar miɔ̈c de Bɛ̈nydït gam agut të bïï kɔc jäl ë pänydïtic kedhie.

2 Tham 6:13

Na wën aacï kɔc ɣɛ̈ɛ̈c athänduŋ de män lɔ të cït akɛɛth kadhetem, go Debid keek tɔ kääc, ku nɛ̈k Bɛ̈nydït thɔn ë weŋ kekë dan cuai ke ee miɔ̈c.

1 Mel 8:3

Na wën aa lɔ bäny ke Yithriɛl kenïïm puk kedhie, go bäny ke kake Nhialic athänduŋ de mät jɔt.

1 Lëk 15:15

Go kɔc ke Lebai athänduŋ de Nhialic ɣääc ë ke kët ë wai, cït man cïï Bɛ̈nydït ye lɛ̈k Mothe.

1 Lëk 15:2

Na ɣɔn ke lueel an, “Ee kɔc ke Lebai kapäc kek abï Athänduŋ de mät aa ɣääc, në biäk cï Bɛ̈nydït ke lɔc bïk aa ɣääc, ku bïk Bɛ̈nydït aa luöi aɣet athɛɛr.

1 Lëk 23:26

Yen acïn kë be kɔc ke Lebai kɔɔr ë biäk de ɣɛ̈ɛ̈c de paany ë Bɛ̈nydït, ayï kake luɔi tëde läm.”

Bɛ̈n 19:12

Geer piny ë kuur thar, ke cïï kɔc en bï lïïr nɔm, ku lɛ̈kë keek ë ke cïï bɔ̈ nhial ë kuur nɔm, ku na cakaa tëthiɔ̈k ë ke cïï bɔ̈. Na lɔ raan e cök thɛm ë kuur nɔm, ke näk.

Bɛ̈n 19:21

Go Bɛ̈nydït lɛ̈k en an, “Lɔ jɔ̈ny kɔc ë ke cïï akeu lïr nɔm bïk Ɛn bɛ̈n tïŋ. Të le kek akeu lïïr nɔm kɔc juëc abïk thou në keyiic.

Bɛ̈n 27:7

Ku yak ke ɣaak ë joth cï dhookiic në yïk ŋeŋ të jɔt ë yen.

Lebai 16:13

Ku abï wɛ̈ɛ̈l ŋïr jɔ tääu ë macic ëtɛ̈ɛ̈n në Bɛ̈nydït nɔm, ku tol de wɛ̈ɛ̈l ŋïr abï akum de athänduŋ de mät thiaan, ago cïï tïŋ ku thou.

Kuɛ̈n 1:50

Gämë Lebai luɔi de Paany ë mät kekë kakɛn tɔ̈u thïn kedhie. Ee kek abï Paany aa döt, ku yek piɔ̈ɔ̈t ke tookkï.

Kuɛ̈n 1:51

Ku të kuɛ̈ɛ̈th wek, Lebai abïk Paany de mät aa dɔ̈k, ku lek piäät piny të la wek piɔ̈ɔ̈t thïn. Ku raan däŋ pei të cïn Lebai, raan lɔ lɔ në paany lɔ̈ɔ̈m, ke näk.

Kuɛ̈n 10:21

Ku lɔ Lebai ke dhiën ë Koɣath në kecök ke ke ɣɛɛc kaɣeriic ke paany de mät. Në luɔi ë kɔɔrë yen nɔn bï paany kɔn mac piny ke ke kën guɔ ɣet.

Kuɛ̈n 18:3

Ë ke ye yï kuɔny në luɔi de Paany, ku ë ke cï kaɣeriic jak, kake tëɣeric, ayï kake yïk. Të le kek keek jak, wek bï thou wedhie arëk cï yïn.

Kuɛ̈n 3:38

Ku Mothe kekë Aron ku wɛ̈ɛ̈t ke Aron kek aaye piɔ̈ɔ̈t në paany de mät thok tueŋ të lɔ aköl amiäk. Ee kek ë ye nïïm luɔi de tëɣeric në biäk de Yithriɛl. Ku raan ëbɛ̈n, raan them en bï luɔiden looi, aaye nɔ̈k.

Kuɛ̈n 4:14

Ku tɛ̈ɛ̈ukï kake luɔi ëbɛ̈n në yïk nɔm ëbɛ̈n. Abɔ̈c ke mac, ku thialtuŋ, ku ka ye mac jok, ku thɛ̈k, ku ka ke yïk ëbɛ̈n, ku abïk keek kum kɔ̈ɔ̈th në dɛ̈l lɔ mot, ku tɛ̈ɛ̈ukï wai ke ɣɔ̈ɔ̈c thïn.

Kuɛ̈n 4:19

në bɛ̈n bï kek bɛ̈n në kaɣeriic lɔ̈ɔ̈m. Kë bäk luöi keek kï: Aron abï ee lɔ në paanyic tëɣeric kekë wɛ̈ɛ̈tke, lek ŋɛk në dhiën ë Koɣath ee nyuöth kë bï looi ku kë bï ɣääc

Kuɛ̈n 4:20

Na lɔ dhiën ë Koɣath lɔ në paanyic baaŋ, le bäny ke kake Nhialic tïŋ të dut kek kaɣeriic, në baŋ ë kuɛ̈th, abïk thou.

Kuɛ̈n 7:9

Ku acïn kë cï gäm wɛ̈ɛ̈t ke Koɣath, në biäk ye kek kaɣeriic döt, ka yek keek ɣääc në kɔc kët.

Nyöŋ 31:9

Go Mothe ë löŋë gäär piny, ku gëm bäny ke kakë Nhialic, wɛ̈ɛ̈t ke lɔ, kɔc ë athänduŋ de män ë Bɛ̈nydït ɣääc ku lɔ röördït ke Yithriɛl kedhie.

Jocua 4:10

Ago bäny ke kake Nhialic wën ɣɛ̈ɛ̈c athänduk bɛ̈n kɔ̈ɔ̈c ë Jordanic cil ëtɛ̈ɛ̈n, abï këriëëc kɔn thök ë luɔɔi ëbɛ̈n, kë cïï Bɛ̈nydït lɛ̈k Jocua an looi ë kɔc ke Yithriɛl cït man ɣɔn lëk ë Mothe ye Jocua. Kɔc acïk wɛ̈ɛ̈r dap bɛ̈n teem kɔ̈u.

1 Tham 6:19

Ku Bɛ̈nydït aacï kɔc kathiërdhorou bɛ nɔ̈k në kɔc ke Beth Cemec yiic, në luɔi cï kek Athänduŋ de Bɛ̈nydït luiitic. Ago kɔc piɔ̈ɔ̈th dhiau arëët në luɔi cïï Bɛ̈nydït kɔc juëc nɔ̈k në keyiic.