Kuɛ̈n 3:8 - JAM DE NHIALIC 2011

⁸ Abïk këriëëc tɔ̈u në paanyic aa döt ëbɛ̈n, ku loikï luɔi de kɔc ke Yithriɛl ëbɛ̈n në paany de mätic.

Kuɛ̈n 3:8 ပူးပေါင်းရင်းမြစ်များ

1 Lëk 23:27

Në biäk de löŋ cïï Debid lueel, go kɔc ke Lebai cï run kathiërrou cuööp aa gɔ̈ɔ̈r rin, në biäk bï kek lui,

2 Lëk 29:11

Mïthkï duökï be gääu. Ee wek cïï Bɛ̈nydït ke lɔc bäk wal ŋïr aa nyuöp en, ku bäk kɔc aa wat të lɔ̈ŋ kek en.”

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Kuɛ̈n 10:17

Go paany de mät dɔ̈k, ku kɛ̈p ë Lebai ke Gercon en kekë Merari ku lek kueer.

Kuɛ̈n 10:21

Ku lɔ Lebai ke dhiën ë Koɣath në kecök ke ke ɣɛɛc kaɣeriic ke paany de mät. Në luɔi ë kɔɔrë yen nɔn bï paany kɔn mac piny ke ke kën guɔ ɣet.

Kuɛ̈n 3:7

Abïk luɔi kɔɔr rɔt në paany de mätic aa looi, ku loikï luɔi de bäny ke kake Nhialic në baŋ de akutnɔm ëbɛ̈n.

Kuɛ̈n 3:9

Gäm Lebai Aron kekë wɛ̈ɛ̈tke bïk keek aa luööi.

Kuɛ̈n 31:30

Ku në biäk cï gäm kɔc yic, wek bï raantök aa kuɛ̈ny bei në thiërdhïc thook ëbɛ̈n, ku yen ee kuën nöm aya në ɣɔ̈k, ku mul, ku thök amɛ̈l, ku bɔɔth. Gämkï ke Lebai kɔc ee luui ë paany de Bɛ̈nydïtic

Kuɛ̈n 4:15

Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Kuɛ̈n 4:28

Yen luɔi de dhiën ë Gercon ka në paany de mätic. Ku Yithamar wën ë Aron, bɛ̈ny de kake Nhialic yen abï aa tɔ̈u në luɔiden nɔm.

Kuɛ̈n 4:33

Yen luɔi de dhiën ë Merari ka në paany de mätic. Ku Yithamar wën ë Aron, bɛ̈ny de kake Nhialic yen abï atɔ̈u në luɔiden nɔm.