Kuɛ̈n 3:10 - JAM DE NHIALIC 2011

¹⁰ Ku tɔ Aron kekë wɛ̈ɛ̈tke ee bäny ke kake Nhialic. Ku raan däŋ pei lɔ luɔiden looi abï thou.

Kuɛ̈n 3:10 ပူးပေါင်းရင်းမြစ်များ

2 Tham 6:7

Go Bɛ̈nydït guɔ gɔ̈th kekë Yudha ku nɛ̈k në biäk de kërɛɛc cï looi. Go Yudha thou ëtɛ̈ɛ̈n në athänduŋ de Nhialic lɔ̈ɔ̈m,

1 Mel 12:31

Ku yïk Jerobowam ɣööt ke läm në ɣään thöny nïïm. Ku kuɛny bäny ke kake Nhialic në kɔciic ëbɛ̈n, kɔc cie Lebai.

1 Lëk 6:32

Keek aa ke ye aköölkɛn ke luɔi wɛ̈ɛ̈r në paany de mätic, të ɣɔn kën ë melik Tholomon Luaŋdït yïk.

Neɣe 6:11

Guɔ lueel an, “Acie yɛn cït raan ee kat, ku la thiaan, ye tak duɛ̈ɛ̈r them bä wëikï kony në thiaan Luaŋdït? Yɛn cïï duëër kɔn lɔ ë tek.”

Bɛ̈n 29:9

Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Edhekiɛl 44:8

Akënkï luɔi de kakiën ɣer yiic nööm, acïk alɛi lɔ bɛ̈ɛ̈i ku tɛ̈ɛ̈ukï keek në tëdiën ɣeric nɔm.

Lebai 22:10

“Acïn raan lei bï cam në miɔ̈c ɣeric yic, raan cie mɛnh dhiën de bäny de kake Nhialic. Na cakaa kaman de bɛ̈ny de kake Nhialic ayï raan lui kekë yen acïï bï cam në ye.

Kuɛ̈n 1:51

Ku të kuɛ̈ɛ̈th wek, Lebai abïk Paany de mät aa dɔ̈k, ku lek piäät piny të la wek piɔ̈ɔ̈t thïn. Ku raan däŋ pei të cïn Lebai, raan lɔ lɔ në paany lɔ̈ɔ̈m, ke näk.

Kuɛ̈n 16:10

Luɔi cï yen cuöt në yelɔ̈ɔ̈m wedhie wekë wɛ̈ɛ̈takɛckun Lebai cïï piɛth? Ka yïn ŋoot ke yï be bäänydïït de kake Nhialic kɔɔr ayadäŋ?

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

Kuɛ̈n 16:40

Yen ee kënë, aaye jäny jiëënyë kɔc ke Yithriɛl, nɔn cïn en raan däŋ pei bï wɛ̈ɛ̈l ŋïïr ye nyop bï ya gam në yïk nɔm, të cïn kuat de Aron. Na lɔ raan däŋ ye gam, ka abï riɔ̈ɔ̈k cït man ë Kɔra kekë kɔcke. Go Eleyadhar këriëëc cïï Bɛ̈nydït lɛ̈k Mothe looi.

Kuɛ̈n 18:3

Ë ke ye yï kuɔny në luɔi de Paany, ku ë ke cï kaɣeriic jak, kake tëɣeric, ayï kake yïk. Të le kek keek jak, wek bï thou wedhie arëk cï yïn.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Kuɛ̈n 3:11

Go Bɛ̈nydït lɛ̈k Mothe an,

Kuɛ̈n 3:38

Ku Mothe kekë Aron ku wɛ̈ɛ̈t ke Aron kek aaye piɔ̈ɔ̈t në paany de mät thok tueŋ të lɔ aköl amiäk. Ee kek ë ye nïïm luɔi de tëɣeric në biäk de Yithriɛl. Ku raan ëbɛ̈n, raan them en bï luɔiden looi, aaye nɔ̈k.

Romai 12:7

ku nɔn ee yen luɔi ee wok kɔc luööi, yok këda looi apiɛth, ku raan ee wëët, ë ye wëët apiɛth,

Epethiei 2:19

Yen ënɔɔnë, we cïï be aa kɔc lei ku cäkï ë juöör lei, wek ee kɔc ke wun tök wekë kɔc ɣerpiɔ̈ɔ̈th ku yak kɔc ke dhiën ë Nhialic.

Nyöŋ 18:5

Bɛ̈nydït acï dhiën de Lebai lɔc në dhiëënkun yiic kedhie, ke ke bï Yen aa luööi, ke ke ye bäny de kake Nhialic aɣet athɛɛr.

Ɣeberuu 8:4

Ku na ë nu ë piny nɔm eenë, acïï duëër aa Bɛ̈ny ë kake Nhialic taitai, në luɔi ëcïï löŋ bäny kɔ̈k ke kake Nhialic kuany, bïk käŋ aa lam ka cï gam ka näk në këde löŋ.

Bäny 17:5

Ku Maika aa de nɔm tëdɛn ye kɔc lam thïn. Acï yiëth kɔ̈k ke baaiden looi, ku kuɛny wëndɛn tök ë wɛ̈ɛ̈tke yiic, tɔ ye guuc.

1 Tham 6:19

Ku Bɛ̈nydït aacï kɔc kathiërdhorou bɛ nɔ̈k në kɔc ke Beth Cemec yiic, në luɔi cï kek Athänduŋ de Bɛ̈nydït luiitic. Ago kɔc piɔ̈ɔ̈th dhiau arëët në luɔi cïï Bɛ̈nydït kɔc juëc nɔ̈k në keyiic.