Kuɛ̈n 28:3 - JAM DE NHIALIC 2011

³ Ku abä lɛ̈k keek, an kënë ee miɔ̈c ye nyop ëbɛ̈n duɛ̈ɛ̈rë gäm Bɛ̈nydït aköölnyïïn ëbɛ̈n nyök amɛ̈l kaarou ee ruöön tök ke ke cïn gup tëdak.

Kuɛ̈n 28:3 ပူးပေါင်းရင်းမြစ်များ

1 Lëk 16:40

Ayek miɔ̈c ye nyop ëbɛ̈n gam miäk ku thëën ë yïk nɔm, cït man ë kë cï gɔ̈ɔ̈r ë löŋ cï Bɛ̈nydït gäm kɔc ke Yithriɛl.

2 Lëk 8:13

Ku gɛm miɔ̈c ye nyop ëbɛ̈n cït man ë kë cï lööŋ ke Mothe lueel në kööl ɣer yiic ëbɛ̈n. Akööl ke Thabath, ku akööl ke pɛɛi ë piɛc wil, ku akööl ke dhuëëŋ kadiäk: kööl de Dhuëëŋ de Kuïn Cïnic Luɔu, ku kööl de dhuëëŋ de Tem, ku kööl de Dhuëëŋ de Kɛ̈ɛ̈t.

Edhr 3:5

Ku ëtɛ̈ɛ̈n, acïk miɔ̈c ye nyop ëbɛ̈n bɛ̈n aa gam aköölnyïïn, ku miɔ̈c de pɛɛi ë piɛc wil, ku lɔ miɔ̈c ke akööl ke dhuëëŋ cïï Bɛ̈nydït ke lueel ëbɛ̈n, ku jɔ ya miɔ̈c de raan ëbɛ̈n raan ee miɔ̈c de miɛtëpiɔ̈u gäm Bɛ̈nydït.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 12:11

“Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 8:11

Ayï yen acï teer kekë bɛ̈ny ë rem de tɔŋ de paan nhial, ku tɔ ka ye näk yen e ceŋ tɔ kääc, ku tɔ tëɣeric nhiany yic.

Danyel 8:13

Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?

Lebai 3:5

Abïï wɛ̈ɛ̈t ke Aron keek jɔ nyop në yïk nɔm, në miɔ̈c ye nyop ëbɛ̈n nɔm, miɔ̈c nu në tiim dɛ̈p nïïm. Ke ye miɔ̈c ye looi në mac, miɔ̈c tum mit në Bɛ̈nydït piɔ̈u.

Lebai 6:9

bï Aron kekë wɛ̈ɛ̈tke gäm ee lööŋkë. Kakë ayek lööŋ ke miɔ̈c ye nyop ëbɛ̈n. Miɔ̈c ye nyop abï ya tɔ nin në yïk nɔm agut cï miäk adurduur, ku mac abï ya pɔ̈l ke dɛ̈p.

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Kuɛ̈n 28:10

kënë ee miɔ̈c ye nyuöp Ɛn në akööl ke Thabath ëbɛ̈n, bï aa coolë gamë yen ëtök kekë miɔ̈c ye nyop ëbɛ̈n ku miɔ̈cdɛn ye dek.

Kuɛ̈n 28:15

Ayadäŋ nyɔɔŋ bou tök ke ye miɔ̈c de kërac, abï gäm Bɛ̈nydït, abïï ke mat në miɔ̈c de aköölnyïïn ye nyop ku miɔ̈cdɛn ye dek.

Kuɛ̈n 28:23

Yak kakë gam ke ye miɔ̈c matkï në miɔ̈c amiäk de aköölnyïïn ye nyop.

Kuɛ̈n 28:24

Në ee kueerë, në nïn kadhorouwiic, ke miɔ̈c ye dëk ku miɔ̈c ye nyop ëbɛ̈n, aake ye gam ke awäude bï Bɛ̈nydït miëët piɔ̈u, yakkï gam ke ye miɔ̈c matkï në miɔ̈c ye nyop ëbɛ̈n de aköölnyïïn ku miɔ̈c ye dek.

Kuɛ̈n 28:31

Yak kakë gam, ku miɔ̈c ye dek matkï në miɔ̈c ye nyop ëbɛ̈n de aköölnyïïn kekë miɔ̈cdɛn ë rap, (ku kankï ke tïŋ apiɛth nɔn cïnkï gup tëdak).

Kuɛ̈n 28:4

Ye nyɔɔŋ tök gam amiäk ku gamë däŋë thëën,

Kuɛ̈n 29:11

Ayadäŋ gamkï nyɔɔŋ bou ke ye miɔ̈c de kërac, matkï në miɔ̈c de awäc bïï ë kɔc teem gup, ku miɔ̈c ye nyop ëbɛ̈n de aköölnyïïn ku miɔ̈cdɛn ë rap ku lɔ miɔ̈cdɛn ye dek.

Kuɛ̈n 29:16

Ayadäŋ gamkï nyɔɔŋ bou tök ke ye miɔ̈c de kërac, matkï në miɔ̈c de aköölnyïïn ye nyop, ku miɔ̈cdɛn ë rap, ku miɔ̈c ye dek.

Kuɛ̈n 29:6

Miɔ̈ckë abïk keek mat në miɔ̈c de kööl tueŋ de pɛɛi ë piac wil, ku miɔ̈c ë rap, ku miɔ̈c ye nyop ëbɛ̈n aköölnyïïn kekë miɔ̈cdɛn ye dek Kek miɔ̈c de kacaam kë aye awäuden ke Bɛ̈nydït miëët piɔ̈u.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Ɣeberuu 9:6

Yen luɔi ë cïï ke kiëët ka, bɛ̈ny de kake Nhialic aaye cool ke loi luɔi de Nhialic aköölnyïïn kedhie, ë paanyic ɣön tueŋ.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.