Kuɛ̈n 27:20 - JAM DE NHIALIC 2011

²⁰ Ku gämë biäk de bäänydu, ke bï akutnɔm de kɔc ke Yithriɛl en gam thok.

Kuɛ̈n 27:20 ပူးပေါင်းရင်းမြစ်များ

2 Mel 2:15

Go kut ë tït rɛ̈ɛ̈r ë Jeriko ye tïŋ agokï lueel an, “Wëi ke Elija acïk nyuc në Elica guöp.” Gokï lɔ yök në yen, ku gutkï kenïïm piny ë yenɔm,

1 Lëk 29:23

Go Tholomon jɔ nyuc në thööny de Bɛ̈nydït nɔm ke ee melik në nyin de wun Debid. Go ja aa melik kueth, ku aaye Yithriɛl riëëu guöp ëbɛ̈n.

1 Lëk 29:25

Bɛ̈nydït acï jur ëbɛ̈n tɔ kääc ë Tholomon kɔ̈u, ku tɔ ye melik de guöp dhuëëŋ aläl, awär meliik ɣɔn cï piny de Yithriɛl kɔn ceŋ.

Kuɛ̈n 11:17

Yɛn bï bɛ̈n piny bä bɛ̈n jam wokë week ëtɛ̈ɛ̈n. Ku Yɛn bï wëi kɔ̈k nööm në wëi wään cä gäm yïn, ku gäm ke keek. Ku abïk yïn kuɔny në nuanden, ke yï cï bï bɛ nuan yïtök.

Kuɛ̈n 27:19

Ku lɔ tɔ kääc në Eleyadhar nɔm, bɛ̈ny de kake ke Nhialic, ku akutnɔm de Yithriɛl, ku guiëërë keek kedhie nɔn cï yïn en kuɛ̈ny ke ye bɛ̈ny në nyindu yic.

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

1 Tham 10:6

Ku wëi ke Bɛ̈nydït abïk bɛ̈n në yïguöp ëthiäu, ka yïn bï mɛt lɔ̈ɔ̈r we keek ke we cäär, ka yïn bï rɔt waar abä aa raan mɛɛn.

1 Tham 10:9

Na wën aa jäl Thaulo në Thamwɛl lɔ̈ɔ̈m, go ë Nhialic puk piɔ̈u. Ago këriëëc cïï Thamwɛl lueel ëbɛ̈n rɔt looi ee köölë.