Kuɛ̈n 25:3 - JAM DE NHIALIC 2011

³ Ago kɔc ke Yithriɛl mɛt në läm de Baal de Peyor yic. Go Bɛ̈nydït piɔ̈u diu ke keek arëët.

Kuɛ̈n 25:3 ပူးပေါင်းရင်းမြစ်များ

Diɛt 90:11

Eeŋa duëër tuöc de agönhdu ŋic? Eeŋa ŋic riɔ̈ɔ̈c duëër agönhdu bɛ̈ɛ̈i?

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Ɣodh 4:14

Duetkun acä keek bï luöi këtuc të le kek köör, kedhie ayï diëër ke wɛ̈ɛ̈tkun të le kek nööm. Në biäk ya wek diäär luui yiëth nööm ayadäŋ, week ë yiëthkun. Ku miackï yiëth në keek ëtök. Ka wek kɔc cï nïïm riääk wek bïï riɔ̈ɔ̈k!

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.

Kuɛ̈n 25:5

Go Mothe lɛ̈k bäny ke luk ke Yithriɛl an, “Raan ëbɛ̈n ë weyiic ë näk kɔckɛn cï mɛt në lam ë Baal de Peyor yic ëbɛ̈n.

Kuɛ̈n 31:16

Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk.

Jocua 22:17

Cäk nïïm määr në kërɛɛc de Peyor ɣɔn tɔ Bɛ̈nydït wo löny ë jɔɔk? Awänyë aŋoot ke kën thök ka akutnɔm de Bɛ̈nydït aŋoot ke gum. Kɛ̈nkï nïïm loi?

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.

Bäny 2:14

Go Bɛ̈nydït piɔ̈u diu kekë kɔc ke Yithriɛl, go keek tɔ mɛk ë kɔc ee käŋ peec ku peckï keek. Acï kɔc ke aterden thiääk në keek tɔ tiam keek, ago kɔc ke Yithriɛl nïïm jɔ ciën riɛl kony kek röt.

Bäny 2:20

Go Bɛ̈nydït jɔ gɔ̈th ke kɔc ke Yithriɛl, ku lueel an, “Jurë acï löŋdiën cä mac dhoŋ kɔ̈u löŋ wään mac wo kuarken an bïk döt, ku akënkï ya riëëu,