Kuɛ̈n 24:6 - JAM DE NHIALIC 2011

⁶ Acïk ciët bäny dïït lääuwic, ku cïtkï tiim ke thidar nu në wɛ̈ɛ̈r yɔu. Ku cïtkï tiim ke aloyeth ë com ë Bɛ̈nydït, ku cït tiim ke thidar nu në pïïu thook.

Kuɛ̈n 24:6 ပူးပေါင်းရင်းမြစ်များ

Cäk 13:10

Go Lɔt yenyin jat nhial, go wak ë Jordan tïŋ ke ee yic dɛ pïïu juëc ë cieŋ, cït man ë dom de Bɛ̈nydït, ku cït piny ë Rip të lɔ wun cɔl Dhowar. Ku ëtɛ̈ɛ̈n, ee të ɣɔn ŋoot ë Bɛ̈nydït ke kën Thɔdom guɔ riɔ̈ɔ̈k kekë Gomoora.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 104:16

Tiim ke Bɛ̈nydït aye ke piɔɔk në pïïu, tiim ke thidar de Lebanɔn wään cï ke com.

Diɛt 45:8

Lupɔɔku acïk kɔ̈ɔ̈th thiäŋ në aŋiëër de mer ku aloyeth, ku kathiya, kɔc ee ket aleckï yïnɔm, ɣönduön de bääny cï jämic në tuŋ ke akɔ̈ɔ̈n.

Diɛt ke 6:11

Yɛn cï lɔ piny bä tiim almon bɛ̈n tïŋ, bä tiim ë piac luɔk ë wakic bɛ̈n tïŋ, na cï enap ŋuɔl, ku na cï tiim ke pomegraneet nyok.

Yith 41:19

Yɛn bï thidar tɔ cil në jɔ̈ɔ̈ric, ku tiim ke akacia ku rɛ̈t, ku tiim ke olip. Roor abï cil piny cïï wal ë cil thïn, roor de tiim ke enap ku tiim ke juniper ku tiim ke ameth.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Jeremia 17:18

Bɛ̈ɛ̈iyë ayäär në kɔc ee ya yɔŋ gup, ku luäk yɛn Bɛ̈nydït. Thiɔ̈ŋ keek në riɔ̈ɔ̈c, ku du yɛn tɔ riɔ̈c. Bɛ̈ɛ̈iyë riääk në kegup, ku dhoŋ keek abïk lɔ thorthor.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 47:12

Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”

Jowɛl 3:18

“Ku në ee köölë, kur abïk aa thuat në mɔ̈n kuil, ku wat kur kor nïïm në ca, ku nyïïn ke pïïu ke Juda, abïk wat në pïïu kedhie. Ku awaŋ de pïïu abï rɔt mɔc nhial Luaŋdït, ku piɔɔk wak de Akacia yic.

Kuɛ̈n 24:5

Pɛɛnykun alɛ̈kkï wek baai de Jakop tëduön ë rëër apiɛth yïn Yithriɛl.