Kuɛ̈n 21:7 - JAM DE NHIALIC 2011

⁷ Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Kuɛ̈n 21:7 ပူးပေါင်းရင်းမြစ်များ

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

1 Mel 13:6

Go melik Jerobowam lɛ̈k raan de Nhialic an, “Acï go aa dhääl läŋ Bɛ̈nydït Nhialicdu në biäkdï, ku thiëc bï köŋdï tɔ waar!” Go raan de Nhialic lɔ̈ŋ në biäkde go kök waar cït man wën.

2 Mel 13:4

Go Jeɣowadh Bɛ̈nydït lɔ̈ŋ, go Bɛ̈nydït lɔ̈ŋde piŋ, në luɔi cï Yen yaaŋ de Yithriɛl tïŋ, yaaŋ yɔŋ ë keek në melik de Thiriya.

Jop 42:10

Ëtɛ̈ɛ̈n wën cï Jop lɔ̈ŋ në biäk de määthke kadiäk, go Bɛ̈nydït nyɔk ë gëm yen en kajuëc wär ka wään kɔn tɔ̈u në yen.

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Diɛt 78:34

Të ye yen kɔc kɔ̈k nɔ̈k në keyiic, kuut däŋ ee rɔt pɔ̈k en, ayek karɛcken pɔ̈l ku lɔ̈ŋkï në piɔ̈n piɛth.

Bɛ̈n 10:17

Ku ënɔɔnë, pälkï yɛn ee kërɛɛcdiënë, ku läŋkï Bɛ̈nydït Nhialicdun takï nyɛɛi këtuucë tëde yɛn, ee kë nɛ̈k.”

Bɛ̈n 32:11

Go Mothe Bɛ̈nydït Nhialicde lɔ̈ŋ lueel an, “Bɛ̈nydït, duɛ̈ɛ̈rë piɔ̈u riääk adï wekë kɔckuön wään luäkë bei Rip në gök ë dhuëëŋ ku riɛl?

Bɛ̈n 32:30

Na ɣɔn amiäk, ke lëk ë Mothe kɔc an, “Wek ë kërɛɛc dïït tuc thok looi. Ku ënɔɔnë, yɛn bï yanɔm puɔ̈k Bɛ̈nydït nhial në kuur nɔm ke we bä teem gum, në luɔi bï Yen we päl kërɛɛcdun.”

Bɛ̈n 8:28

Go melik lɛ̈k keek an, “Të cä wek en bï lɔ baaric tëmec, ke we bä tɔ jäl lak Bɛ̈nydït Nhialicdun näk ë jɔ̈ɔ̈ric. Ku ënɔɔnë, läŋkï në biäkdï.”

Bɛ̈n 8:4

Abïk aa kɛɛc ë yïguöp, ku kɛɛckï në kɔcku gup, ku kɛɛckï në bänyku gup.’ ”

Bɛ̈n 8:8

Ago melik Mothe cɔɔl kekë Aron ku lëk keek an, “Läŋkï Bɛ̈nydït ke bï agueek nyaai, ku yɛn bï kɔckun puɔ̈l ajäl lek Bɛ̈nydït näk.”

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 37:3

Na wën ke melik Dhedekia, ë toc Jeɣukal wën de Celemia, ku Dhepania wën de Maathia, bɛ̈ny de kake Nhialic, bïk tiët Jeremia luɔp në luöi bï yen Bɛ̈nydït Nhialicda lɔ̈ŋ, në biäk ë jurda.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Kuɛ̈n 11:2

Go kɔc Mothe kiiu luɛ̈k keek. Go Mothe Bɛ̈nydït lɔ̈ŋ, go mac liu.

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

Luɔi 8:24

Go Thimon bɛ̈ɛ̈r an, “Läŋkï Bɛ̈nydït në këdï, ke bï ciën kë bï bɛ̈n ë yaguöp në ka wën cäk lueel.”

Romai 10:1

Wek mïthëkɔckuɔ, kë kaar ë yapiɔ̈u kï, yɛn guöp, ku läŋ ɛn Nhialic në biäk de Yithriɛl kï, ee kuny bï ke kony wëi.

Nyöŋ 9:20

Ku Bɛ̈nydït acï gɔ̈th ke Aron aya, ka akɔɔr bïï nɔ̈k. Aguɔ lɔ̈ŋ në biäk de Aron ë tëthiinë yiic.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.

1 Tham 15:30

Go Thaulo bɛ̈ɛ̈r an, “Yɛn cï kërac looi, yïn läŋ bä ya riëëu guöp në kɔcdïtkuɔ nïïm ku kɔc ke Yithriɛl nïïm. Bäär ciëën wokë yɛn, aguɔ Bɛ̈nydït Nhialicdu lɔ lam.”