Kuɛ̈n 20:12 - JAM DE NHIALIC 2011

¹² Go Bɛ̈nydït lɛ̈k Mothe kekë Aron an, “Në baŋ kɛ̈n wek Ɛn gam apiɛth, ku kɛ̈nkï riɛldï nyuöth kɔc ke Yithriɛl, ayï ɣɛɛr de yayic, wek cä keek bï bɛ tɔ ɣeet amatnɔmë piny bä gäm keek.

Kuɛ̈n 20:12 ပူးပေါင်းရင်းမြစ်များ

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

Diɛt 106:32

Të thiäk kekë nyin de Meriba kɔc acïk Bɛ̈nydït tɔ göth, ku acïk Mothe bɛ̈n tääu ë nuan yic ë biäkden.

Diɛt 99:8

Bɛ̈nydït Nhialinyda, Yïn cï lɔ̈ŋ de kɔcku bɛ̈ɛ̈r, acï nyuöth keek nɔn Yïn Nhialic de päl de awɛ̈ɛ̈c, cakaa nɔn cï Yïn keek luöi këtuc në biäk de karɛcken.

Yith 7:9

Yithriɛl acïï ril në Thamaria pänydɛn dït, ku Thamaria acïï ril në melik Peka wën ë Remalia. “Na cïï gämdun ee kɔ̈ɔ̈c ke wek cïï bï kɔ̈ɔ̈c.”

Yith 8:13

Yak ŋic nɔn Yan Bɛ̈nydït de rɛm, Yɛn ɣeric, Yɛn abä wek dhil aa riɔ̈ɔ̈c.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 36:23

Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Edhekiɛl 38:10

Yen kë cïï Bɛ̈nydït Awärjäŋ lɛ̈k Gok ka: “Të le köölë bɛ̈n yïn bï täŋ de kiɛɛr rac gɔl.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Kuɛ̈n 11:15

Na ee luɔi bï yïn Ɛn looi ka, ke yï kok piɔ̈u wekë yɛn, ku näk Ɛn ënɔnthiinë, ke ya cïï riääkdï bï tïŋ.

Kuɛ̈n 20:24

“Në baŋ wään cä wek löŋdï dhoŋ kɔ̈u në Meriba, Aron acï bï bɛ ɣet piny gäm Yithriɛl. Abï thou.

Kuɛ̈n 27:14

në baŋ wään cä wek löŋdï dhɔ̈ŋic në jɔ̈ɔ̈r de Dhinic. Të ɣɔn bïï akutnɔm de Yithriɛl dok në yɛn ke ke kɔɔr pïïu në Meriba, wek kën riɛldï bɛ̈n nyuöth kɔc. (Meriba awaŋ ë pïïu nu në Kadec në jɔ̈ɔ̈r ë Dhinic).

Math 17:17

Go Yecu bɛ̈ɛ̈r an, “Rem cïn gäm oou, rem ë löŋ yalic oou! Bä rëër ë weyiic ë run kadï? Bä kakun guum ë run kadï? Bɛ̈ɛ̈ikï tëde yɛn!”

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Luk 1:20

Tïŋ, yïn bï ciën thok, yïn cïï jam bï lëu, aɣët kööl bï kakë lɔ̈ɔ̈k tïc, luɔɔi kën yïn wëlkï gam, wël bï aa yith ëkööldɛn cï lueel.”

Luk 1:45

Ku thieithieei nyan cï wël gam: abïk dhil aa yith kek wël cï lɛ̈k en ë Bɛ̈nydït!”

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Romai 4:20

Ku kë cï Nhialic kɔn lueel akën piɔ̈u ŋït ë ye në dak de gäm, acï gam ë gäm ril, go Nhialic lɛc nɔm.

Nyöŋ 1:37

Ku në biäkdun Bɛ̈nydït acï piɔ̈u bɛ̈n diu kekë yɛn, ago lueel, an, “Yïn cïï bï lɔ thïn aya.”

Nyöŋ 34:4

Na wën ke lëk ë Bɛ̈nydït Mothe, an, “Kënë ee piny wään cä thön Abraɣam ku Yithaak ku Jakop, abä gäm mïth ke mïthken, acä tɔ tïŋ, ku yïn cä bï tɔ lɔ ëtɛ̈ɛ̈n.”

Nyöŋ 4:21

Ku në biäkdun Bɛ̈nydït Nhialicdun ë gɔ̈th kekë yɛn, ku kuëëŋ arëët, an, cä bï lɔ në wɛ̈ɛ̈r de Jordan nɔm lɔɔk, piny piɛth bïï gäm week.

Jocua 1:2

an, “Mothe, awundï ë thou. Ka ënɔɔnë, guiir rɔt wekë kɔc ke Yithriɛl kedhie, ke we bï wɛ̈ɛ̈r de Jordan teem lakï piny kaar bä gäm week.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,