Kuɛ̈n 18:8 - JAM DE NHIALIC 2011

⁸ Go Bɛ̈nydït lɛ̈k Aron an, “Cït man ŋic yïn en nɔn cän yïn gäm miɔ̈c kënë nyop ye gäm Ɛn ëbɛ̈n. Acä keek gäm yïn wekë mïthkuön bï lɔ̈ɔ̈k tɔ̈u në yïcök aɣet athɛɛr.

Kuɛ̈n 18:8 ပူးပေါင်းရင်းမြစ်များ

2 Mel 12:16

Wëu cï gam në biäk de miɔ̈c de awäc, ku wëu cï gam në biäk de miɔ̈c de kërac ke kɔc, aake cie mat nïïm në athänduŋ tök yic, aake ye gäm bäny ke kake Nhialic.

2 Lëk 31:4

Ku në ee kënë cök, go melik kɔc ke Jeruthalem yɔ̈ɔ̈k bïk miɔ̈c ye gäm Lebai ku bäny ke kake Nhialic bɛ̈ɛ̈i, miɔ̈c ee këden, yen abïk kek röt gäm luɔi de wëët de löŋ ë Bɛ̈nydït.

2 Lëk 31:5

Na wën aa cï löŋ teem, go kɔc ke Yithriɛl miɔ̈c bɛ̈ɛ̈i, miɔ̈c piɛth de anyuɔl, ku mɔ̈u, ku miök de olip, ku miök de kiëc, ku miɔ̈c de kajuëc cï kɔn luɔk ë duum yiic, ku bïïkï töŋ de thiëër de ka cï luɔk kedhie.

Bɛ̈n 28:43

Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.

Bɛ̈n 29:21

Ku nöm biäk de riɛm nu në yïk nɔm. Ku nöm miök thiinakäŋ në miök ë tɔc, ku wïïthë në Aron guöp kekë lupɔɔke, ku wïïthë biäk në lupɔɔ ke wɛ̈ɛ̈tke gup, ku yen ke lupɔɔke abï yiic ɣɛɛr, ku jɔ Ya bɛ̈n gäm Aron kekë wɛ̈ɛ̈tke.

Bɛ̈n 29:28

Kënë ee löŋ cä bï waar. Të cïï kɔckï miɔ̈c de mät nɔ̈k, ke aguöt nɔm kekë ɣäm de kë ë näk ee kake bäny ke kake Nhialic. Yen miɔ̈c bï kɔc aa gäm Ɛn ka Yɛn Bɛ̈nydït.

Bɛ̈n 29:29

“Wadäŋ të cïï Aron thou, ke lupɔɔ ɣeriic ke Aron, lupɔɔ ke bääny de kake Nhialic ë ke gëmë keek wɛ̈ɛ̈tke, bïk keek aa cieŋ të cïï ke tɔ ee bäny ke kake Nhialic.

Bɛ̈n 40:13

Ku yiëkë Aron kɔ̈u lupɔɔ ɣeriic ke bɛ̈nydïït de kake Nhialic ku tɔc. Ku jɔ bɛ̈n gam ke bï luui ke ye bɛ̈nydïït de kake Nhialic.

Bɛ̈n 40:15

Ku tɔc keek cït man cïn wuönden tɔc, ke ke bï Ya luööi ke ke ye bäny ke kake Nhialic. Ku yen ee tönyë, abï keek tɔ ye bäny ke kake Nhialic ë caaŋden.”

Yith 10:27

Të lee köölë bɛ̈n, wek bä lony yiëth në riɛl de Athiriya, ku kathieken acïkï bï bɛ aa ka dït thiek ë weyiëth.”

Lebai 21:10

“Ku bɛ̈nydïït ë kake Nhialic, raan cï tɔc nɔm në miök de tɔc, ku ee raan cï ruök bïï lupɔ de bɛ̈ny de kake Nhialic cieŋ, acïï yenɔm bï aa pɔ̈l ke cïï keet. Ku acïï lupɔɔke bï aa rɛt yiic nyooth en dhiëëu.

Lebai 23:20

Ku bɛ̈ny de kake Nhialic abï nyök amɛ̈l kaarou nyuɔɔth ë Bɛ̈nydït nɔm, ke ee miɔ̈c de anyuɔɔk, keek kedhie, ayï kuïn cï pam de rɛɛp cï kɔn luɔk aya. Ayek ka ɣeriic tëde Bɛ̈nydït në biäk ë bɛ̈ny de kake Nhialic.

Lebai 6:16

Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic.

Lebai 6:18

Ku mïth kë wɛ̈ɛ̈t ke Aron röör kedhie aduëërkï cam në yen. Ee biäkdɛn de aköölnyïïn në miɔ̈c yic. Miɔ̈c cï luɔi Bɛ̈nydït në mac agut cï rɛm cï rɛm bï lɔ̈ɔ̈k bɛ̈n, kë bï yen aa jak ë bɛ̈n abï yic ɣɛɛr.

Lebai 6:20

An, kënë ee miɔ̈c bï Aron kekë wɛ̈ɛ̈tke aa yiɛ̈n Bɛ̈nydït në kööl thɛny ë keek nïïm: Aduŋ de aɣaar piɛth ke ee miɔ̈c ë rap aköölnyïïn, biäkdɛn tök adurduur ku biäkdɛn tök thëën.

Lebai 6:26

Ku bɛ̈ny de kake Nhialic bï ye gam në biäk de kërac cam, ku abï aa cam tëɣeric në pëër de paany de mätic.

Lebai 7:14

Abï biäk tök aa bɛ̈ɛ̈i ke ee miɔ̈c, ke ye kë juëër Bɛ̈nydït, ee këde bɛ̈ny de kake Nhialic, ye riɛm de miɔ̈c de mät wiɛ̈ɛ̈th piny.

Lebai 7:28

Go Bɛ̈nydït Mothe yɔ̈ɔ̈k.

Lebai 7:6

Ku mïthwät nu paan de bɛ̈ny de kake Nhialic kedhie, aduëërkï cam në yen. Ku abï dhil aa cam tëɣeric. Ee kë ɣeric aläl.

Lebai 8:30

Na wën ke Mothe ë nöm miök de tɔc biäk, ku riɛm biäk në yïk nɔm, ku wïïth ke në Aron kɔ̈u kekë lupɔɔ ke, ku wïïth në wɛ̈ɛ̈tke kɔ̈ɔ̈th kekë lupɔɔken. Ago Aron jɔ tɔ ɣer kekë lupɔɔke, ku tɔ wɛ̈ɛ̈tke ɣeriic kekë lupɔɔken.

Kuɛ̈n 18:9

Ku biäkdu kï në miɔ̈c ɣeric ye gam në yïk nɔm, miɔ̈c ë rap, ku miɔ̈c de awäc, ku miɔ̈c de kërac. Miɔ̈c ɣeric ëbɛ̈n, miɔ̈c cï gäm Ɛn, ee këdu wekë wɛ̈ɛ̈tku.

Kuɛ̈n 5:9

Ku miɔ̈c ku kaɣeriic ye kɔc ke Yithriɛl gäm Bɛ̈nydït ëbɛ̈n, ee këde bɛ̈ny de kake Nhialic.

1 Kor 9:13

Kuöckï kɔc ë ka ke Luaŋdït looi, nɔn ciëm kek ë ka ke Luaŋdït? Ayï kɔc ë këde yïïŋ ee läm looi, kuöckï nɔn ye kek ka ke yïïŋ de läm rɔm?

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.

Nyöŋ 18:1

Na wën ke lueel Mothe an, “Bäny de kake Nhialic kɔc dhiën ë Lebai acïï keek bï miɔɔc në piny, keek abïk aa pïïr në miɔ̈c, ku lɔ miɔ̈c näk kɔ̈k ye gäm Bɛ̈nydït.

Nyöŋ 26:13

lɛ̈kkï Bɛ̈nydït an, ‘Acïn tök në ka ɣeriic, töŋ thiëër ë käŋ cï döŋ baaidï, acä keek gäm Lebai, ku kɔc lei, ku mïth abɛɛr, ku diëër abɛɛr, cït man cï Yïn a yɔ̈ɔ̈k an luɔi. Yïn kën rɛɛc thok ku yɛn kën nɔm määr në löŋ tök në lööŋ cï lueel në biäk de töŋ thiëër ë käŋ.

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.