Kuɛ̈n 18:1 - JAM DE NHIALIC 2011

¹ Go Bɛ̈nydït lɛ̈k Aron an, “Yïn wekë wɛ̈ɛ̈tku, ku Lebai, wek bï këtuc aa guum wedhie tëde yen awäny cï rɔt wööc në luɔi de tëɣeric yic. Ku na awäny wäc rɔt në luɔi de kake Nhialic, ee yïn wekë wɛ̈ɛ̈tku wapäc wek abï këtuc guum.

Kuɛ̈n 18:1 ပူးပေါင်းရင်းမြစ်များ

Bɛ̈n 28:38

Ku ë ye Aron cieŋ në yenyin tueŋ, ke Ya bï miɔ̈c ɣeric cï kɔc ke Yithriɛl gäm Ɛn aa gam ëbɛ̈n, Yɛn Bɛ̈nydït. Na cak dɛ kë cïk wööc në kueer ë gɛm kek miɔ̈c.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Edhekiɛl 4:4

“Ëtɛ̈ɛ̈n tɔ̈c në biäk camdu, ku yɛn bï awäny de baai de Yithriɛl tääu në yïyeth.

Lebai 10:17

Ago keek thiëëc an, “Eeŋö cä wek miɔ̈c de kërac cam në tëɣeric yic? Ee kë ɣeric aläl, aa gëmë week, në biäk bä wek karɛc ke akutnɔm nyaai, në luöi bä wek keek teem gup në Bɛ̈nydït nɔm.

Lebai 22:16

Në luɔi ee yen raan cïn nɔm yic, bï cam tɔ cäm kënë aduëër aa awäc ku abï këtuc bɛ̈ɛ̈i në raan cït ee kënë guöp, Ee Yɛn Bɛ̈nydït, raanë tɔ miɔ̈c ɣeric.”

Lebai 22:9

“Bäny ke kake Nhialic abïk wëëtdï dhil döt, ke cïï bïï aa kërac në kegup, ke ke cïï bï thou, të lan keek jääm në agɔ̈th. Ee Yɛn Bɛ̈nydït, Raan ë tɔ keek ɣer.

Kuɛ̈n 14:34

Wek bï gum në biäk de awänydun në runiic kathiërŋuan. Kööl tök, në akööl ɣɔn caath wek piny kathiërŋuan, abï nɔm aa ruöön tök. Yen abä wek en jɔ ŋic ëgɔk nɔn cän piɔ̈u diu.

Kuɛ̈n 16:10

Luɔi cï yen cuöt në yelɔ̈ɔ̈m wedhie wekë wɛ̈ɛ̈takɛckun Lebai cïï piɛth? Ka yïn ŋoot ke yï be bäänydïït de kake Nhialic kɔɔr ayadäŋ?

Kuɛ̈n 17:13

Na ye luɔi bï raan ëbɛ̈n ee thou ka, raan cï bɛ̈n në Paany lɔ̈ɔ̈m, ke wok rɛɛr ke wo ye kɔc cï thou!

Kuɛ̈n 17:3

Ku gäär rin ke Aron në thieny de Lebai kɔ̈u. Bɛ̈ny de dhiën ëbɛ̈n abï nɔm dhiɛl dɛ thieny tök.

Kuɛ̈n 17:7

Go Mothe thieec tɔ̈ɔ̈u kedhie në Paany de Mätic thïn në Athänduŋ de Löŋ cï Math nɔm tueŋ.

Kuɛ̈n 18:11

Ku na de miɔ̈c däŋ pei, miɔ̈c cïï kɔc ke Yithriɛl gäm Ɛn ka ye këdun ayadäŋ. Acä ke gäm yïn wekë Wɛ̈ɛ̈tku, ku duetku anande. Ku raan de baaidu ëbɛ̈n, raan ɣer guöp, aduëër cam në yen.

Kuɛ̈n 3:6

“Bɛ̈ɛ̈iyë dhiën de Lebai, ku tɔ keek kony Aron bɛ̈ny de kake Nhialic.

Nyöŋ 10:8

Ku në kuur nɔm Bɛ̈nydït acï röör ke Lebai bɛ̈n lɔc bïk athänduŋ de män ë Bɛ̈nydït aa muk, ku bïk lui ke ke ye bäny ke kakë Nhialic, ku bïk athiɛɛi aa lueel në rinke. Ku kakë aŋootkï ke ke ye luɔiden.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

Bäny 17:12

Ago Maika dhuŋë bɛ̈n tɔ ye gunyde ku rëër ɣönde.