Kuɛ̈n 17:3 - JAM DE NHIALIC 2011

³ Ku gäär rin ke Aron në thieny de Lebai kɔ̈u. Bɛ̈ny de dhiën ëbɛ̈n abï nɔm dhiɛl dɛ thieny tök.

Kuɛ̈n 17:3 ပူးပေါင်းရင်းမြစ်များ

Bɛ̈n 6:16

Lebi aa de nɔm wɛ̈ɛ̈tke kadiäk: yï Gercon kekë Koɣath, ku Merari. Kek aye kuarken ke dhiën ee keek cäk rin. Ku run ke Lebai aake ye bɔt ku thiërdiäk ku dhorou.

Bɛ̈n 6:20

Go Amiram Jɔkebed thiaak, wɛcë. Go ye dhiëth wɛ̈ɛ̈tke kaarou: Mothe kekë Aron. Ku run ke Amiram aake ye bɔt ku thiërdiäk ku dhorou.

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Edhekiɛl 37:16

“Mɛnh ë raan, nöm thieny de tim ku gäärë kɔ̈u wëlkë, ‘Baai de Juda.’ Ëtɛ̈ɛ̈n nöm thieny däŋ de tim ku gäärë kɔ̈u wëlkë, ‘Baai de Yithriɛl.’

Kuɛ̈n 17:2

“lɛ̈kë kɔc ke Yithriɛl, tɔ keek gëm yïn thieec kathiëër ku rou, bɛ̈ny de dhiën ke thieny tök. Ku gäär rin ke bɛ̈ny ë dhiën në thienyde kɔ̈u.

Kuɛ̈n 17:4

Nöm keek, ku lɔ tɔ̈u keek në paany de mätic në Athänduŋ de Löŋ cï Mac nɔm tueŋ, të ye wok mat thïn wokë yïn.

Kuɛ̈n 18:1

Go Bɛ̈nydït lɛ̈k Aron an, “Yïn wekë wɛ̈ɛ̈tku, ku Lebai, wek bï këtuc aa guum wedhie tëde yen awäny cï rɔt wööc në luɔi de tëɣeric yic. Ku na awäny wäc rɔt në luɔi de kake Nhialic, ee yïn wekë wɛ̈ɛ̈tku wapäc wek abï këtuc guum.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Kuɛ̈n 26:10

Go piny rɔt liep, ku tuiic keek. Agokï thou në Kɔra ëtök kekë kɔc mät në yen, të ɣɔn riëëk ë mac bot kaarou ku thiërdhïc de raan. Ago thonden kɔc ke Yithriɛl jɔ aa täk nïïm.