Kuɛ̈n 16:30 - JAM DE NHIALIC 2011

³⁰ Ku na man na lɔ Bɛ̈nydït ke nɔ̈k në nääk mɛɛn kënë kɔn piŋ, nääk liep ë piny rɔt ku tuiic keek apïr në këriëëcden ëbɛ̈n, abïk ɣet paan ë thuɔɔu ke ke pïr, abäk jɔ ŋic ëgɔk nɔn cïï kɔckë Bɛ̈nydït rɛɛc ë yic.”

Kuɛ̈n 16:30 ပူးပေါင်းရင်းမြစ်များ

Jop 31:2

ku eeŋö ye Nhialic Awärjäŋ luöi kɔc, ke ye ariöpden?

Jop 31:3

Ee kɔc ee karɛc looi tuöc riääk.

Diɛt 124:3

adï cïk wook liek apïr, në agönhdɛn dïït göth kek ë wook,

Diɛt 55:15

Tɔ thuɔɔu jɔt kɔc ke aterdï ëthiäu, tɔ ke lɔ piny paan ë thuɔɔu ke ke pïïr, tɔ ke lɔ ë rɛ̈ŋken yiic në riɔ̈ɔ̈c!

Yith 28:21

Bɛ̈nydït abï thɔ̈ɔ̈r cït man ɣɔn thɛ̈ɛ̈r en në kuur ë Peradhim ku në wak ë Gibiɔn yic, në luɔi de yen këdɛn kɔɔr bïï looi, cakaa nɔn dhɛl ë këde kɔc. Abï këde dhil thöl ë luɔi, yen luɔidɛn cï moony.

Yith 43:19

Wɔikï ka bä ke piac looi. Acïk röt guɔ looi, aduëër ë tïŋ ënɔɔnë! Yɛn bï kueer ee tëëk ë jɔ̈ɔ̈r yic looi, ku yiɛ̈n week nyïïn ke pïïu ëtɛ̈ɛ̈n.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Edhekiɛl 31:14

Ku gɔl ënɔɔnë lee tueŋ, acïn tim bï bɛ dït ke bäär ke lɔ nhial cï yen, ku jiëp yenɔm nhial ë luäät yiic, cakaa yen ë ye piɔɔk. Keek kedhie abïk ŋoot ke ke thou cït mɛnh ë raan, abïk lɔ piny cï kɔc ee lɔ paan ë thuɔɔu.”

Kuɛ̈n 16:31

Na wën, aa cï Mothe thök në jam, ke piny tuer rɔt në Dathan cök piny kekë Abiram,

Kuɛ̈n 16:33

Agokï lɔ piny ke ke pïïr paan ë thuɔɔu në kaken ëbɛ̈n, Go tiɔp rɔt thiöök ë kenïïm, agokï riäär taitai ë amatnɔmic.