Kuɛ̈n 15:9 - JAM DE NHIALIC 2011

⁹ ke we gɛm miɔ̈c ë rap në miɔɔr ëtök, ke ye biäk kadiäk ke löth cï tɛ̈ɛ̈kiic nathiëër në aɣar lɔ mot, ku liëëpë në abïny atɛɛm kɔ̈u në miök.

Kuɛ̈n 15:9 ပူးပေါင်းရင်းမြစ်များ

1 Lëk 21:23

Go ë Arauna lɛ̈k Debid an, “Nöm bɛ̈ny lɔ loi këduön kɔɔr në yïpiɔ̈u. Ku yɛn cï miöör gäm ke ke ye miɔ̈c ye nyop ëbɛ̈n, ku nöm tiim ke käm ke ke bïï ë mac dɛ̈ɛ̈p, ku agamɔ ke ye miɔ̈c ë rap, acä ke gäm yïn kedhie.”

Neɣe 10:33

Wok bï kake läm kɔɔr ka cït: kuïn cï pam ye gäm Bɛ̈nydït ku miɔ̈c ë rap, ku miɔ̈c ye nyop ëbɛ̈n aköölnyïïn, ku miɔ̈c ɣeric de kööl ë thabath, ku miɔ̈c de dhuëëŋ ë pɛɛi piac wil, ku dhuëŋ kɔ̈k ku miɔ̈c kɔ̈k ɣeriic, ku miɔ̈c de päl awɛ̈ɛ̈c bïï ë kɔc ke Yithriɛl teem gup, ku këriëëc kɔɔr rɔt ɣön ë Nhialicic ëbɛ̈n,

Edhekiɛl 42:13

Go raan lɛ̈k ɛn an, “Ku ɣööt kaarou ɣeer yiic nu ë baŋ lɔ rut ku baŋ lɔ wöuwic, ee të ye bäny ke kake Nhialic miɔ̈c ɣeriic lɔ cam thïn ë Bɛ̈nydït nɔm. Ku në biäk ɣeer ë ɣööt yiic bäny ke kake Nhialic ayek miɔ̈c ɣer yiic aläl tɔ̈ɔ̈u ëtɛ̈ɛ̈n: miɔ̈c ë rap, ku miɔ̈c de kërac ku miɔ̈c de awäc de tëɣeric.

Edhekiɛl 46:11

Në akööl ke dhuëŋ, ku në akööl cï mac, miɔ̈c de miɔɔr atiëëk tök abï cath miɔ̈c ë rap në aduŋ tök, ku miɔ̈c de nyɔɔŋ amäl abï cath ke ke lëu ë raan bïï gam, kekë aguun de miök ku aduŋ de rap.

Edhekiɛl 46:15

Nyɔɔŋ thiin amääl, ku aɣaar, ku miök de olip, abïï ke dhil aa gäm Bɛ̈nydït miäk rial në aköölnyïïn aɣet athɛɛr.”

Edhekiɛl 46:5

Abï löth de miɔ̈c ë rap aa bɛ̈ɛ̈i kekë nyɔɔŋ tök, ku abï këdɛn lëu bï gam aa bɛ̈ɛ̈i kekë nyɔɔŋ kor. Ku lönh töŋ de miɔ̈c ë rap abï litiir ke miök kadiäk aa bɛ̈ɛ̈i ke yen.

Edhekiɛl 46:7

Miɔɔr tök ku nyɔɔŋ tök abïk aa dɛk lönh töŋ de rap, ku nyɔɔŋ amäl koor tök, miɔ̈c ë rap abï aa kɔɔr ë wën bɛ̈ny bï gam ë yepiɔ̈u. Litiir kadiäk de miök de olip, abï keek aa gam në biäk töŋ de lönh ë rap.

Jowɛl 1:9

Miɔ̈c ë rap, ku miɔ̈c ye dek acïï kɔyɔm keek tɛɛm wei Luaŋdïït de Bɛ̈nydït, ka bäny ke kake Nhialic, ayï kɔc luui Bɛ̈nydït adhiaukï në biäk cïn en miɔ̈c gëmkï Bɛ̈nydït.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Lebai 14:10

Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök.

Lebai 6:14

Kakë ee lööŋ ke miɔ̈c ë rap, abïï wɛ̈ɛ̈t ke Aron keek aa bɛ̈ɛ̈i ë yïk nɔm tueŋ, në Bɛ̈nydït nɔm.

Lebai 7:37

Ku kakë kek aye lööŋ ke Bɛ̈nydït në biäk de miɔ̈c ye nyop ëbɛ̈n, ayï miɔ̈c ë rap, ayï miɔ̈c de kërac, ayï miɔ̈c de awäc, ayï miɔ̈c de ruk kekë miɔ̈c de mät.

Kuɛ̈n 15:10

Ku gamkï abïny atɛɛm kɔ̈u në mɔ̈u ke ye miɔ̈c ye dek. Atuöm de miɔ̈cë abï Bɛ̈nydït miët piɔ̈u.

Kuɛ̈n 15:8

Ku të gam wek miɔɔr ke ye miɔ̈c ye nyop ëbɛ̈n, ku nɔn yen miɔ̈c de kuëëŋ cïï raan kuëëŋ, ku nɔn ee yen miɔ̈c de mät,

Kuɛ̈n 28:12

ayadäŋ kilɔ kadiäk ke aɣar lɔ mot ke ye miɔ̈c ë rap, cï liääp ke miök ke ye kë de miɔɔr tök, ku lɔ kilɔ kaarou ke aɣar lɔ mot cï liääp ke miök ke ye miɔ̈c ë rap, ke ye kë de amäl tök,

Kuɛ̈n 28:14

Miɔ̈cdɛn ye dek abï aa abïny ë mɔ̈u atɛɛm kɔ̈u në miɔɔr tök, ku abïny atɛɛm thar në nyɔɔŋ amääl koor yen abï aa këde. Kënë ee löŋ de miɔ̈c ye nyop ëbɛ̈n de kööl tueŋ ë pɛɛi thok, në pɛ̈i ke ruöön ëbɛ̈n.

Kuɛ̈n 29:6

Miɔ̈ckë abïk keek mat në miɔ̈c de kööl tueŋ de pɛɛi ë piac wil, ku miɔ̈c ë rap, ku miɔ̈c ye nyop ëbɛ̈n aköölnyïïn kekë miɔ̈cdɛn ye dek Kek miɔ̈c de kacaam kë aye awäuden ke Bɛ̈nydït miëët piɔ̈u.

1 Tham 1:24

Na ɣɔn aa le meth nyueth, ke leer meth Cilo ke ŋoot ke ye mɛnh thiin akäŋ, ku kuɛɛth miɔɔr ee run diäk, ku nööm apen de aɣaar ku tööny ë mɔ̈u athiäŋ, ku jɔt Thamwɛl ke ee meth cït ë mandɛnë, ku lee Luaŋdït në Cilo.