Kuɛ̈n 15:3 - JAM DE NHIALIC 2011

³ Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Kuɛ̈n 15:3 ပူးပေါင်းရင်းမြစ်များ

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Edhr 7:17

“Ku ee wëukë, abä ke ɣaac apiɛth në miöör ku nyök amɛ̈l dït ku kakor, ëtök në miɔ̈c ë rap ku kadek, ku lɔ gamë keek në yïk nɔm, yïïŋ de ɣön ë Nhialicduön tɔ̈u në Jeruthalem.

Diɛt 54:6

Yïn bä gäm miɔ̈c de miɛtëpiɔ̈u Bɛ̈nydït, yïn bä lɛc nɔm, në baŋ piɛth yïn.

Bɛ̈n 29:18

Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Bɛ̈n 29:25

Ku jɔ ke bɛ̈n nööm në kecin, ku nyop keek në yïk nɔm në miɔ̈c ye nyop ëtök. Atuɔ̈mde abï Ya miët piɔ̈u.

Bɛ̈n 29:41

Ku gamë nyɔɔŋ ye nyök rou thëën kekë miɔ̈c ë rap cït miɔ̈c wën amiäk ke cï liääp ë miök, kekë mɔ̈nde aya. Kënë ee miɔ̈c ye nyuöp Bɛ̈nydït. Ku atuömde abï Ya miët piɔ̈u.

Lebai 10:13

Cam tëɣeric ee biäk bï aa këdu wekë wɛ̈ɛ̈tku, ku në kuïn ee gäm Bɛ̈nydït yic, yen kë cï Bɛ̈nydït lëk ɛn ka.

Lebai 27:2

jäämë kɔc ke Yithriɛl ku lɛ̈kë keek an, Na cï raan kuëëŋ në luɔi bï en raan gäm Bɛ̈nydït ku bïï kë thööŋ ke kuënde gam.

Lebai 7:16

Ku na ye miɔ̈cdɛn ë bïï këde gutguut, ku nɔn ee miɔ̈c de miɛtëpiɔ̈u, ke miɔ̈c abï cuet në kööl ë gɛmë yen. Ku na de kë cï döŋ piny aduëërë cam ë kööl de rou.

Kuɛ̈n 28:27

Ku gamkï miɔ̈c ye nyop ëbɛ̈n ee Bɛ̈nydït miët piɔ̈u: miöör kor kaarou ku nyɔɔŋ amääl dïït tök, ku nyök amɛ̈l kor ee ruöön tök kadhorou, ke ke cïn gup tëdak kedhie,

Kuɛ̈n 29:8

Gämkï miɔ̈c ye nyop ëbɛ̈n Bɛ̈nydït, miɔ̈c ee Ye miëët piɔ̈u: miɔɔr atiëëk tök, ku nyɔɔŋ amäl dïït tök, ku nyök amɛ̈lkor kadhorou de ruöön tök, ke ke cïn gup tëdak kedhie.

Kuɛ̈n 6:15

Ku gɛm diöny athiäŋ kekë kuïn cï pam kën mäth, ku kek cï thaal në aɣar lɔ mot cï liääp ke miök, ku bethkawith cïï nyuäŋ cï tɔc në miök, ku miɔ̈c ë rap ku mɔ̈u.

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

2 Kor 2:15

Wok ee atuöm de Kërtho në këde Nhialic ë kɔc yiic, ayï kɔc kony wëi ayï kɔc mär.

2 Kor 2:16

Tëde kɔcke wok ee atuöm ë thuɔɔu a lueel thuɔɔu, ku tëde kɔcke wok ee atuöm ë pïïr a lueel pïïr. Ku eeŋa duëër kacït ë kake lëu?

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.