Kuɛ̈n 15:20 - JAM DE NHIALIC 2011

²⁰ Kuïn töŋ cï pam ë kɔn ë thaal tueŋ ëbɛ̈n, ë gɛmë Yɛn ke ye miɔ̈c, cït miɔ̈c de ka yak kɔ̈ɔ̈m.

Kuɛ̈n 15:20 ပူးပေါင်းရင်းမြစ်များ

Lebai 2:14

Na yiɛ̈në Bɛ̈nydït miɔ̈c ë rap cï kɔn luɔk, gämë miɔ̈c ë rɛɛp cï kɔn luɔk cï geet ë mac, ku nɔn ee aɣar cï tiɔ̈p.

Bɛ̈n 34:26

“Yak këpiɛth tueŋ ë ka cï kɔn luɔk në duumkuniic bɛ̈ɛ̈i ɣön ë Bɛ̈nydït Nhialicdun në ruöön nyin ëbɛ̈n. “Duökï amɛthɔ̈k ee thaal në ciɛk ke man yiic.”

Edhekiɛl 44:30

Bäny ke kake Nhialic abï keek aa gäm këpiɛth de këriëëc cï kɔn luɔk ëbɛ̈n, ku lɔ ka kɔ̈k cï gäm yɛn. Në akööl ye kɔc kuïn cï pam nyop, kɔc abïk kuïn cï pam tueŋ ë nyop gäm bɛ̈ny de kake Nhialic, ke ye miɔ̈c, ku athiɛɛidï abï lɔ̈ŋ ë ɣöötken yiic.

Neɣe 10:37

Wok bï mɔ̈n de rɛɛp ë piac luɔk yiɛ̈n bɛ̈ny de kake Nhialic ë Luaŋdïtic në ruöön thok ëbɛ̈n, ayï kakuɔn ke miɔ̈cdan de mɔ̈u, ku miök de olip, ku këriëëc ë lok ë mïth ke tiim ëbɛ̈n. Ku yïnku kɔc ke Lebai ee ajuëër kut në wuötkuɔn ke pɔ̈ɔ̈riic, töŋ ë thiëër, ku këriëëc ee luɔk në duumkuɔ yiic.

Lebai 23:10

an, “Yɔ̈ɔ̈k kɔc ke Yithriɛl wek bï lɔ piny bä gäm week ku wek bï ka cï luɔk thïn yök, ku në ee köölë wek bï dut tueŋ de kakuön cï kɔn luɔk dhil yiɛ̈n bɛ̈ny de kake Nhialic.

Bɛ̈n 23:19

“Yak kë tueŋ de ka cï kɔn luɔk domdun bɛ̈ɛ̈i ɣön ë Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.”

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Kor 15:20

Ku ënɔɔnë Kërtho acï rɔt jɔt ë kɔc cï thou yiic, ago aa kë cï kɔn luɔk ë kɔc cï niin yiic.

Romai 11:16

Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Nyöŋ 14:22

“Yak töŋ de thiëër tɔ̈ɔ̈u pei, töŋ de thiëër ë kak ee luɔk domdu kedhie ë ruöön thok ëbɛ̈n.

Kuɛ̈n 18:12

“Wek gäm miɔ̈c piɛɛth de ka cï kɔn luɔk tëde Yithriɛl, miɔ̈c yek gäm Ɛn në ruöön thok ëbɛ̈n. Miɔ̈c de miök de Olip, kekë mɔ̈u, ku rap.

Lebai 23:20

Ku bɛ̈ny de kake Nhialic abï nyök amɛ̈l kaarou nyuɔɔth ë Bɛ̈nydït nɔm, ke ee miɔ̈c de anyuɔɔk, keek kedhie, ayï kuïn cï pam de rɛɛp cï kɔn luɔk aya. Ayek ka ɣeriic tëde Bɛ̈nydït në biäk ë bɛ̈ny de kake Nhialic.

Kuɛ̈n 15:21

Yen ee miɔ̈c mɛɛnë abï ya gäm Bɛ̈nydït anande ke ye kuïn cï pam yak thaal.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 16:13

“Të cä wek rɛɛpkun jɔ kɔ̈ɔ̈m ëbɛ̈n, ku cäk mɔ̈ndun jɔ dhiim ëbɛ̈n. Ke we loi Dhuëëŋ de kɛ̈ɛ̈t në nïn kadhorou.

Lebai 2:12

Aduëër ë keek yiɛ̈n Bɛ̈nydït ke ye miɔ̈c ë rɛɛp cï kɔn luɔk. Ku acïï keek bï ya gam në yïk nɔm ke ye miɔ̈c tum mit ye nyop.